عاشق هوئیں تے عشق کمائیں دل رکهیں وانگ پہاڑاں هو

عاشق هوئیں تے عشق کمائیں دل رکهیں وانگ پہاڑاں هو

لکھ لکھ بدیاں ہزار الاہمے کر جائیں باغ بہاراں هو

منصور جہے چک سولی دتے جیہڑے واقف اسراراں هو

سجدیوں نه سر چائے باهو توزئے کافر کہن ہزاراں هو

ایہ۔ تن رب سچے دا حجره وج پا فقیرا چاتی هو

نه کر منت خواج خضر دی تیرے اندر آپ حیاتی هو

شوق دا دیوا بال ہنیرے متاں لبهی وسط کهڑاتی هو

مرن تهیں آگے مر رہے باهو جنہاں حق دی رمز پچهاتی هو

ایہ۔ تن رب سچے دا حجره دل کهڑیا باغ بہاراں هو

وچے کوزے وچے مصّلے وچے دیان سجدے ہزاراں هو

وچے کعبه وچے قبله وچے الا الله پکاراں هو

کامل مرشد ملیا باهو اوه آپے لیه عسی ساراں هو

اک دم سجن تے لکھ دم ویری اک دم دے مارے کردے هو

اک دم پچهلے جنم گوایا چور بنے گهر گهر دے هو

لایاں دا اوه قدر کی جانن جیہڑے محرم ناہيں سر دے هو

سو کیں دهکے کهاون باہو جیہڑے طالب سچےدر دے هو

اندر کلمه کل کل کردا عشق سکهایا کلماں هو

چوده طبق کلمے دےاندر قران کتاباں علماں هو

کایے کٹ کے قلم بناوان لکھ نه سکن قلماں هو

باهو ایہ۔ کلمه مینوں پیر پڑهایا ذرا نه هوندا کماں هو

بن چلایا طرف زمین دے عرشوں فرش ٹکایا هو

گهر تهیں ملیا دیس نکالا اساں لکهیا جهولی پایا هو

رہونی دنیا نه کر جهیڑا ساڈا اگے دل گهبرایا هو

اسیں پردیسی ساڈا وطن دوراڈا باهو دم دم غم سوایا ہو