بلھے شاہپنجابی صوفی شاعری

بابا بلھے شاہ – منہ آئی بات نہ رہندی اے | Moun Aayi Baat Nah Rehndi Ae

منہ آئی بات نہ رہندی اے – بابا بلھے شاہ

Moun Aayi Baat Nah Rehndi Ae

جھوٹھ آکھاں تے کجھ بچدا اے، سچ آکھیاں بھامبڑ مچدا اے
جی دوہاں گلاں توں جچدا اے، جچ جچ کے جہوا کہندی اے
 

منہ آئی بات نہ رہندی اے

 

جس پایا بھیت قلندر دا، راہ کھوجیا اپنے اندر دا
اوہ واسی ہے سکھ مندر دا، جتھے کوئی نہ چڑھدی لیہندی اے

اک لازم بات ادب دی اے، سانوں بات ملومی سبھ دی اے
ہر ہر وچ صورتَ ربّ دی اے، کتے ظاہر کتے چھپیندی اے

 

منہ آئی بات نہ رہندی اے

 

ایتھے دنیاں وچ انھیرا اے، ایہہ تلکن بازی وہڑھا اے
وڑ اندر ویکھو کہڑا اے، کیوں کھفتن باہر ڈھونڈیدی اے

ایتھے لیکھا پاؤں پسارا اے، ایہدا وکھرا بھیت نیارا اے
ایہہ صورتَ دا چمکارا اے، جویں چنگ دارو وچ پیندی اے

 

کتے ناز ادا دکھلائیدا، کتے ہو رسول ملائیدا
کتے عاشق بن بن آئیدا، کتے جان جدائی سہندی اے

جدوں ظاہر ہوئے نور ہریں، جل گئے پہاڑ کوہ-طور ہریں
تدوں دار چڑھے منصور ہریں، اوتھے شیخی پیش نہ ویندی اے

 

جے ظاہر کراں اصرار تائیں، سبھ بھلّ جاون تکرار تائیں
پھر مارن بلہے یار تائیں، ایتھے مخفی گلّ سوہیندی اے

 

اساں پڑھیا علم تحقیقی اے، اوتھے اکو حرف حقیقی اے
ہور جھگڑا سبھ ودھیکی اے، ایویں رولا پا پا بہندی اے

اے شاہ عقل توں آیا کر، سانوں ادب اداب سکھایا کر
میں جھوٹھی نوں سمجھایا کر، جو مورکھ ماہنوں کہندی اے

 
منہ آئی بات نہ رہندی اے
 
واہ واہ قدرت بے پرواہی اے، دیوے قیدی دے سر شاہی اے
ایسا بیٹا جایا مائی اے، سبھ کلمہ اس دا کہندی اے
اس آزز دا کی حیلہ اے، رنگ زرد تے مکھڑا پیلا اے
جتھے آپے آپ وسیلہ اےاوتھے کی عدالت کہندی اے
 
بلھا شہہ اساں تھیں وکھ نہیں بن شہہ تھیں دوجا ککھّ نہیں
پر ویکھن والی اکھ نہیں، تاہیں جان جدائیاں سہندی اے
 
منہ آئی بات نہ رہندی اے

Jhooth aakhan ta kuj Bachda aey

Sach aakheya bhambar machda aey

Jee dohan gallan to Jachda aey

Jach Jach k Jiva Kehndi aey

Muh aayi baat na rehndi aey

 

Jis paya bheth Kalandar da

Raah Khojya aapney aandar da

Oh wassi hai sikh mandir da

Jithey koi na chardi lehndi aey

Muh aayi baat na rehndi aey

 

Ek lajam batt adab di aey

Sanu baat maloomi sabb di aey

Har har vich soorat rabb di aey

Kitey Jahar kitey chupendi aey

Muh aayi baat na rehndi aey

 

Ethe duniya vich hanera aey

Eh tilkanvaji vehra aey

War andar wekho kehra aey

Kyu khapptan bahar dhundendi aey

Muh aayi baat na rehndi aey

 

Ethe lekha pao pasar aey

Ehda wakhra bhet niyara aey

Eh soorat da chamkara aey

Jiwey chinag daaru vich paindi aey

Muh aayi baat na rehndi aey

 

Kitey naaj ada dikhlaida

kitey ho rasool milaida

Kitey Aashiq ban ban aayida

Kitey jaan judai sehndi aey

Muh aayi baat na rehndi aey

 

Jadon jahhar hoye noor hori

Jall gye pahar koh turi

Tado darr charey mansoor hori

Othey sheikh pesh na vehndi aey

Muh aayi baat na rehndi aey

 

Je jahar kra israr tayyi

Sabb bhull jawan takrar tayyi

Fir maarn bulleh yaar tayyi

Ethey makhpi gall sohendi aey

Muh aayi baat na rehndi aey

 

Asa parya ilam tahkiki aey

Othey iko harf hakiki aey

Hor jhagra sab wadiki aey

Aawey raula pa pa behndi aey

Muh aayi baat na rehndi aey

 

Aaey Shah akaal tu aaya kar

Sanu adab adaab sikhaya kar

Main jhoothi nu samjaya kar

Jo murakh mannu kehndi aey

Muh aayi baat na rehndi aey

 

Wah wah kudrat beparwahi aey

Dewey kaidi de sir shahi aey

Aisa beta jaya maai aey

Sabb kalma us da kehndi aey

Muh aayi baat na rehndi aey

 

Bulla shauh assa thi wakh nahi

Bin Shauh thi dooja kakh nahi

Par wekhan waali aakh nahi

Ta hi jaan judaayian sehndi aey

Muh aayi baat na rehndi aey

Follow Us:

     

Related Articles

Leave a Reply

Your email address will not be published. Required fields are marked *

Back to top button
Duas to Increase Rizq & Wealth | Duas for Provision Islamic Duas! Recite this 100 Times a day! Easy Dhikr! 4 Promises that ALLAH Made in Holy Quran! SABR.. Beautiful. Masha’Allah ❤ Beautiful Masjid Al Haram Makkah ❤
Duas to Increase Rizq & Wealth | Duas for Provision 4 Promises that ALLAH Made in Holy Quran! Recite this 100 Times a day! Easy Dhikr! Islamic Duas! Beautiful Masjid Al Haram Makkah ❤ Allahumma innaka `afuwwun tuhibbul `afwa fa`fu `annee