الف اللّه چنبے دی بوٹی | Alif Allah Chambe Di Booti (Lyrics) – Sultan Bahu
سلطان باہو – الف اللّه چنبے دی بوٹی مرشد من وچ لائی ہو
Alif Allah chambe di booti, Murshid man wich laaee hoo – Sultan Bahoo
بغداد شہر دی کی اے نشانی اچیاں لمیاں چیراں هو
تن من میرا پرزے پرزے جیویں درزی دیاں لیراں هو
اینہاں لیراں دی میں کفنی پا کے رلساں سنگ فقیراں هو
بغداد شہر دے ٹکرے منگساں کرساں میراں میراں هو
پڑھ پڑھ حافظ کرن تکبر ملاّں کرن وڈیائی هو
گلیاں دے وچ پهرن نمانے لعل کتاباں چائی هو
جتهے ویکهن چنگا چوکها اوتهے پڑهن کلام سوائی هو
دوهیں جہانی مُٹھے باهو جنہاں کهادی ویچ کمائی هو
بے ادباں نه سار ادب دی ادباں توں وانجے هو
جیڑے تهاں مٹی دے پانڈے کدے نه هوندے کانجے هو
جو مدھ قدیم دے کهیڑے آہے کدو نه هوندے رانجهے هو
جئیں دل حضور نه منگیا باهو دوہیں جہانی وانجے هو
الف اللّه چنبے دی بوٹی مرشد من وچ لائی ہو
جئے رب ناتیاں توتیاں ملدا تے ملدا ڈڈیاں مچهیاں هو
جئے رب لمیاں والاں ملدا تاں ملدا پیڈاں سسیاں هو
جئے رب راتیں جاگیاں ملدا تے ملدا کال کڑچهیاں هو
اینا گلاں رب حاصل ناهیں باهو رب ملدا دلاں اچهیاں هو
چڑھ چناں کرتوں روشنائی ذکر کریندے تارے هو
گلیاں دے وچ پهرن نمانے لعلاں دے ونجارے هو
شالا مسافر کوئی نه تهیوے تے ککھ جنہاں تیں بهارے هو
تاڑی مار اِڈا نه باهو اساں آپے اڈن هارے هو
دال دلیلاں چهوڑ وجودوں او ہشیار فقیرا هو
بن توّکل پنجهی اوڈدے پلے خرچ نه جزیرھ هو
روز رووزي اڈا کهان ہمیشه نہیں کردے نال زخیرھ هو
مولا خرچ پہچاوے باهو جو پهتر دے وچ کیڑا هو
جد مرشد کاسه دیتڑا تد دی بے پرواہی هو
کی هویا جے راتی جاگیوں جے مرشد جاگ نه لائی هو
راتیں جاگیں کریں عبادت بے نندیاں کریں پڑهائی هو
کوڑھ تخت دنیا دا باهوسچی تے فقر پادشاہی هو
پیر ملیاں جے پیڑ نه جاوے اوس نوں پیر کی دهرنا هو
مرشد ملیاں ارشاد نه من نوں او مرشد کی کرنا هو
تسبیح پهڑهی تے دل نه پهڑیاکی لینا تسبیح پهڑکے هو
علم پڑهیا تے عمل نه کیتا کی لینا علم نوں پڑھ کے هو
چلے کٹے تے کجھ نه کٹھیا کی لینا چلیاں وڑھ کے هو
جاگ بناں دوده جمدے ناہيں پاوئیں لا هوئے کڑھ کے هو
سن فریاد پیراں دیا پیرا میري عرض سنیں کن دهر کے هو
بیڑا اڑیا میرا وچ قبراں دے جتهے مچھ نه بیندے ڈر کے هو
شاھ جیلانی محبوب سبحانی میری خبر لئیواوجهک کر کے هو
پیر جنہاں دے میراں باهو اوہی کنڈے لگدے تر کے هو
یار یگانه ملسی تینوں جے سر دی بازی لائیں هو
عشق اللّه وچ هو مستانه هو سدا الاہیں هو
نال تصور اسم الله دے دم نوں قید لگاویں هو
ذاتے نال جاں ذاتی رلیا تد باهو نام سدائیں هو
دنیا کارن علم فاضل گوشے بہ بہ روندے هو
دنیا کارن لوک وچارے اک پل سکھ ناں سوندے هو
جنہاں چهڈی دنیا باہو او کندهی چڑه کهلوندے هو
ب بسم اللّه اسم اللّه دا ایهه وی گہنا بهارا هو
نال شفاعت سرور علم چهٹ سی عالم سارا هو
حدوں بے حد درود نبی نوں جس دا ایڈ پسارا هو
میں قربان اونہاں توں باہو جنہاں ملیا نبی سہارا ہو
باجھ حضوری نہیں منظوری پاویں پڑهن بانگ صلواتاں هو
روزے نفل نماز گزارن پاویں جاگن ساریاں راتاں هو
باہجوں قکب حضور نه هوئے پاویں کڈہن سیے زکواتاں هو
جے کے دین علم وچ ہوندا تاں سہ نیزے کیوں چڑہدے ہو
آٹهاره ہزار جو علم آہا اوه اگے حسین دے مردے هو
جئے کجھ ملاحضه سرور کردے تاں خیمے تنبو کیوں سڑدے هو
جے کر مندے بیعت رسولی تاں پانی بند کیوں کردے هو
پر صادق دین تنہاں دے باہو جو سر قربانی کردے هو
نه رب عرش مصله ملیا نه رب خانے کعبے هو
نه رب علم کتابی ملدا نه وچ محرابے هو
گنگا تیرتهیں مول نه ملیا مارے پینڈے بے حسابے هو
جد مرشد پهڑیا باہو چهٹے سب عذابے هو
Alif Allah chambe di booti, Murshid man wich laaee hoo
Nafee asbaat da pane milia, Har rage harjae hoo.
Andar booti mushk machaya, Jaan phullan te aae hoo
Jeeve Murshid Kaamil Bahu, Jain eh booti laee hoo
Allah parhion hafiz hoion, Na giaa hijabon pardaa hoo
Parhh parhh aalim faazil hoion, Taalib hoion zar daa hoo
Lakh hazar kitabaan parhiaan, Zaalim nafs na mardaa hoo
Baajh Faqeraan kise na mareya, Eho chor andar daa hoo
Alif-aihad jad dittee wiskaalee, Az khud hoiaa fane hoo
Qurb, Wisaal, Maqaam na Manzil, Na uth jism na jaanee hoo
Na uth Ishq Muhabbat kaee, Na uth kaun makanee hoo
Aino-ain theeose Bahu, Sirr Wahadat Subhanee hoo-
Allaah sahee keetose jis dam, Chamkiaa Ishq agohaan hoo
Raat dihaan de taa tikhere, Kare agohaan soohaan hoo
Andae bhaaheen, Andar baalan, Andar de wch dhoohaan hoo
‘Shaah Rag’ theen Raab nerhe laddhaa, Ishq keetaa jad soohaan hoo
Alif alast suniaa dil mere, Jind balaa kookendee hoo
Hubb watan dee haalib hoee, Hik pal saun na dendee hoo
Qaihar pave is raazan duneeaa, Haq daa raah marendee hoo
Aashiq mool qabool na Bahu, Zaaro zaar ruvendee hoo-
Alif Allah chambe di booti, Murshid man wich laaee hoo
Nafee asbaat da pane milia, Har rage harjae hoo.
Andar booti mushk machaya, Jaan phullan te aae hoo
Jeeve Murshid Kaamil Bahu, Jain eh booti laee hoo
Alif Allah chambe di booti, Murshid man wich laaee hoo
Nafee asbaat da pane milia, Har rage harjae hoo.
Andar booti mushk machaya, Jaan phullan te aae hoo
Jeeve Murshid Kaamil Bahu, Jain eh booti laee hoo
Follow Us:
