Naat Lyricsاعلیٰ حضرت امام احمد رضا خان

Yaad Mein Jiski Nahi Hoshe Tano Jaan Hum Ko – Naat Lyrics in Urdu

Yaad Mein Jiski Nahi Hoshe Tano Jaan Hum Ko

Ala-Hazrat Naat Lyrics 

 

Yaad me jiski nahi hoshe tano Jaan hum ko
Phir dikhade woh rukh aye mehre faroza hum ko

Der se aap mein aana nahi milta hain humein
Kya hi khud-rafta kiya jalwaye janaan hum ko

Jis tabassum ne gulistaan pe girayi bijli
Phir dikhade woh adaaye gule khandan hum ko

Kaash aaweezaye kindeele Madina ho woh dil
Jis ki sozish ne kiya rashke charaaga hum ko

Arsh jis khoobiye raftaar ka paamaal hua
Do qadam chal ke dikha sarve khiraamaan! hum ko

Shamaye Taiba se main parwana rahoon kab tak door
Haan jala de sha-rare aatishe pinha !  hum ko

Khauf hai sam’a kharashiye sage Taiba ka
Warna kya yaad nahin naa-la o afgaan hum ko

Khaak ho jaayen dare paak pe hasrat mit jaaye
Ya Ilahi na fira be saro saamaan hum ko

Khaare sahraaye Madina na nikal jaaye kahin
Wahshate dil na fira koho bayaabaan hum ko

Tang aaye hain do aalam teri betaabi se
Chain lene de tape seenaye sozaan hum ko

Paaun girbaal huye raahe Madina na mili
Aye junoon! Ab to mile rukhsate zindaan hum ko

Mere har zakhme jigar se ye nikalti hai sada
Aye Maleehe Arabi! Karde namakdaan hum ko

Saire gulshan se aseerane qafas ko kya kaam
Na de takleefe chaman bulbule bustaan hum ko

Jab se aankhon me samayi hai Madine ke bahaar
Nazar aate hain khazaan-deeda gulistaan hum ko

Gar labe paak se iqraare shafa’at ho jaaye
Yun na bechain rakhe joshishe isyaan hum ko

Nayyare hashr ne ik aag laga rakhi hai !
Tez hai dhoop mile saaya e daamaan hum ko

Reham farmaiye ya Shah ki ab taab nahin
Tabake khoon rulaye ghame hijraan hum ko

Chaake daamaan mein na thak jaaiyo aye daste junoon
Purze karna hai abhi jebongharibaan hum ko

Parda us chehraye anwar se utha kar ik baar
Apna aaina bana aye mahe taabaan hum ko

Aye RAZA wasfe rukhe paak sunane ke liye
Nazr dete hain chaman ! murge ghazal khwaan hum ko

https://www.youtube.com/watch?v=rX1QwEl4rU8

READ MORE NAAT LYRICS IN URDU:

Follow Us:

              

Related Articles

Leave a Reply

Your email address will not be published. Required fields are marked *

Back to top button
Duas to Increase Rizq & Wealth | Duas for Provision Islamic Duas! Recite this 100 Times a day! Easy Dhikr! 4 Promises that ALLAH Made in Holy Quran! SABR.. Beautiful. Masha’Allah ❤ Beautiful Masjid Al Haram Makkah ❤
Duas to Increase Rizq & Wealth | Duas for Provision 4 Promises that ALLAH Made in Holy Quran! Recite this 100 Times a day! Easy Dhikr! Islamic Duas! Beautiful Masjid Al Haram Makkah ❤ Allahumma innaka `afuwwun tuhibbul `afwa fa`fu `annee