Kabe Ki Ronak Kabe Ka Manzar

islamkidunya
Kabe ki Ronak Kabe ka Manzar

Kabe ki Ronak Kabe ka Manzar – Naat Lyrics in Urdu

Kabe ki ronak Kabe ka manzar

Allahu Akbar Allahu Akbar

Dekhu to dekhe jau barabar

Allahu Akbar Allahu Akbar

Hainrat se khud ko kabhi dekhta hu

Aur dekhta hu kabhi mai haram ko

Laya kahan mujhko mera muqaddar

Allahu Akbar Allahu Akbar

Hamd e Khuda se tar hain zabane

Kano me rass ghoolti hain azane

Bus ek sada a rahi hain barabar

Allahu Akbar Allahu Akbar

Mangi hain maine jitni duae

Manzoor hongi maqbool hongi

Mizab e Rehmat hain mere sar par

Allahu Akbar Allahu Akbar

Tere karam ki kya bat Maula

Tere haram ki kya bat Maula

Ta umr karde ana muqaddar

Allahu Akbar Allahu Akbar

Yad agayi jab apni khataye

Ashko me dhalne lagi iltijae

Roya Gilaf e Kaba pakad kar

Allahu Akbar Allahu Akbar

Dekha Safa bhi Marwa bhi dekha

Rab ke karam ka jalwa bhi dekha

Dekha rawa ek saron ka samandar

Allahu Akbar Allahu Akbar

Kabe ke upar se jate nahi hain

Kisko sabak yeh sikhate nahi hain

Kitne moadab hain yeh kabutar

Allahu Akbar Allahu Akbar

Bheja hain jannat se tujhko Khuda ne

Chuma hain tujh ko khud mere Mustafa ne

Aye Hajr e Aswad tera muqaddar

Allahu Akbar Allahu Akbar

Jis par nabi ke kadam ko sajaya

Apni nishani keh ke bataya

Mehfooz rakha Rab ne yeh patthar

Allahu Akbar Allahu Akbar

Comments

Leave a Reply

Next Post

Meetha Meetha Hai Mere Muhammad Ka Naam

Naat Lyrics in Urdu Meetha Meetha Hai Mere Muhammad Ka Naam Meetha meetha hai mere Muhammad ka naam Un pe laakhon karoron durood o salam Waqt laaye khuda jaaye Darbaar par Aur khare ho ke Rawza-e-Sarkar par Pesh mil kar kare ham durood o salaam Un pe laakhon karoron durood […]
Meetha Meetha Hai Mere Muhammad Ka Naam
%d bloggers like this: