Chamane Taiba Mein Sumbul Jo Sanwaaray Gaisu

islamkidunya
Chamane Taiba Mein Sumbul Jo Sanwaaray Gaisu

Chamane Taiba Mein Sumbul Jo Sanwaaray Gaisu – Ala-Hazrat Naat Lyrics in Urdu

Chamane Taiba Mein Sumbul Jo Sanwaaray Gaisu
Hoor Badh Kar Shikane Naaz Pe Waare Gaisu

Ki Jo Baalon Se Tere Rauze Ki Jaaroob Kashi
Shab Ko Shabnam Ne Tabarruk Ko Hain Dhaare Gaisu

Hum Siyah Kaaron Pe Ya Rab Tapishe Mahshar Mein
Saaya Afgan Hon Tere Pyare Ke Pyare Gaisu

Charche Hooron Mein Hain Dekho To Zara Baale Burraq
Sumbule Khuld Ke Qurban Utare Gaisu

Aakhire Hajj Ghame Ummat Mein Pareshan Ho Kar
Teerah Bakhton Ki Shafa’at Ko Sidhare Gaisu

Gosh Tak Sunte The Fariyad Ab Aaye Taa Dosh
Ki Bane Khana Badoshon Ko Sahare Gaisu

Sukhe Dhanon Pe Humare Bhi Karam Ho Jaaye
Chaye Rehmat Ki Ghata Ban Ke Tumhare Gaisu

Ka’baye Jaan Ko Pinhaya Hai Gilafe Mushkeen
Udh Ke Aaye Hain Jo Abr Pe Tumhare Gaisu

Silsila Paa Ke Shafa’at Ka Jhuke Padte Hain
Sajdaye Shukr Ke Karte Hain Ishare Gaisu

Mushk Boo Koocha Ye Kis Phool Ka Jhada Un Se
Hooriyo Ambare Saara Huye Saare Gaisu

Dekho Qur’an Me Shabe Qadr Hai Ta Matlaye Fajr
Ya’ni Nazdeek Hain Aariz Ke Woh Pyare Gaisu

Bheeni Khushboo Se Mahak Jaati Hain Galiya’an Wallah
Kaise Phoolo Mein Basaye Hain Tumhare Gaisu

Shaane Rehmat Hai Ki Shaana Na Juda Ho Dam Bhar
Seena Chaakon Pe Kuch Is Darja Hain Pyare Gaisu

Shaana Hai Panjaye Qudrat Tere Baalon Ke Liye
Kaise Haathon Ne Shaha Tere Saware Gaisu

Uhade Paak Ki Choti Se Ulajh Le Shab Bhar
Subah Hone Do Shabe Eid Ne Haare Gaisu

Muzda Ho Qibla Se Ghanghor Ghatayen Umdee
Abroon Par Woh Jhuke Jhoom Ke Baare Gaisu

Taare Sheerazaye Majmuaye Kaunain Hain Yeh
Haal Khul Jaaye Jo Ik Dum Hon Kanare Gaisu

Tel Ki Boonde Tapakti Nahi Baalon Se Raza
Subhe Aariz Pe Lutate Hain Sitare Gaisu

Chamane Taiba Mein Sumbul Jo Sanwaaray Gaisu
Hoor Badh Kar Shikane Naaz Pe Waare Gaisu

COLLECTION OF NAAT LYRICS

Comments

Leave a Reply

Next Post

Chand Taare He Kya Dekhte Reh Gaye

Chand Taare He Kya Dekhte Reh Gaye – Naat Lyrics in Urdu Chand Taare He Kya Dekhte Reh Gaye Unko arzo sama dekhte reh gaye Par ke Rooh ul Amin Soorah e Wadduha Soorat e Mustafa dekhte reh gaye Unko arzo sama dekhte reh gaye Woh imamat ki shab woh […]
Chand Taare He Kya Dekhte Reh Gaye
%d bloggers like this: