اُرْدُو نعت لیرکس

عرشِ حق ہے مسندِ رفعت رسولُ اللہ کی

نعتِ رسولِ کریم صلی اللہ علیہ وآلہ وسلم

 

عرشِ حق ہے مسندِ رفعت رسولُ اللہ کی

 

ARSHE HAQ HAI MUSNADE RIF’AT RASOOLULLAH KI

 

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

 

عرشِ حق ہے مسندِ رفعت رسولُ اللہ کی

 دیکھنی ہے حشر میں عزت رسولُ اللہ کی

قبر میں لہرائیں گے تا حشر چشمے نور کے

جلو فرما ہوگی جب طلعت رسول ُاللہ کے

کافروں پر تیغ والا سے گری برقِ غضب

ابر آسا چھاگئی ہیبت رسول ُاللہ کی

لاَ وَ رَبِّ اَلعَرش جس کو جو ملا اُن سے ملا

بٹتی ہے کونین میں نعمت رسولُ اللہ کی

وہ جہنم میں گیا جو اُن سے مستغنی ہوا

ہے خلیل اللہ کو حاجت رسولُ اللہ کی

سورج الٹے پاؤں پلٹے چاند اشارے سے ہو چاک

اندھے نجدی دیکھ لے قدرت رسولُ اللہ کی

تجھ سے اور جنت سے کیا مطلب وہابی دور ہو

ہم رسول اللہ کے جنت رسولُ اللہ کی

نجدی اُس نے تجھ کو مہلت دی کہ اِس عالَم میں ہے

کافر و مرتد پہ بھی رحمت رسول ُاللہ کی

ہم بھکاری وہ کریم ، اُن کا خدا اُن سے فزوں

اور نا کہنا نہیں عادت رسول ُاللہ کی

اہلِ سنّت کا ہے بیڑا پار اصحابِ حضور

نجم ہیں اور ناؤ ہے عترت رسولُ اللہ کی

خاک ہو کر عشق میں آرام سے سونا ملا

جان کی اکسیر ہے الفت رسولُ اللہ کی

ٹوٹ جائیں گے گنہ گاروں کے فوراً قید و بند

حشر کو کھل جائے گی طاقت رسولُ اللہ کی

یارب اک ساعت میں دُھل جائیں سیہ کاروں کے جرم

جوش میں آجائے اب رحمت رسولُ اللہ کی

ہے گُلِ باغِ قدس رخسار زیبائے حضور

سروِ گلزارِ قِدم قامت رسولُ اللہ کی

اے رضا خود صاحبِ قرآں ہے مدّاحِ حضور

تجھ سے کب ممکن ہے پھر مدحت رسولُ اللہ کی

عرشِ حق ہے مسندِ رفعت رسولُ اللہ کی

چلو دیارِ نبیﷺ کی جانب درود لب پر سجا سجا کر

الٰہی تیری چوکھٹ پر بھکاری بن کے آیا ہوں

اپنی نسبت سے میں کچھ نہیں ہوں، اس کرم کی بدولت بڑا ہوں

بھر دو جھولی میری یا محمد  لوٹ کر میں نہ جاوّں گا خالی 

Related Articles

Leave a Reply

Your email address will not be published. Required fields are marked *

Back to top button
Duas to Increase Rizq & Wealth | Duas for Provision Islamic Duas! Recite this 100 Times a day! Easy Dhikr! 4 Promises that ALLAH Made in Holy Quran! SABR.. Beautiful. Masha’Allah ❤ Beautiful Masjid Al Haram Makkah ❤
Duas to Increase Rizq & Wealth | Duas for Provision 4 Promises that ALLAH Made in Holy Quran! Recite this 100 Times a day! Easy Dhikr! Islamic Duas! Beautiful Masjid Al Haram Makkah ❤ Allahumma innaka `afuwwun tuhibbul `afwa fa`fu `annee