کلام میاں محمد بخش – ہک دن کرن شکار شکاری باری اند ر آیا

islamkidunya

ہک دن کرن شکار شکاری باری اندر آیا

کلام میاں محمد بخش

ہک دن کرن شکار شکاری باری اندر آیا
آ درخت گھنے دی چھاویں اُس نے ڈیرہ لایا​

نالے بز ہوایوں اُڈدا آ بیٹھا اُس رکھ تے!
طمعہ لوڑے ماس نہ چھوڑے آیا ظالم بھکھ تے ​

ہیٹھ شکاری باز اُتے سی وچ بیٹھی اِک کُگھی
دُشمن ویکھ کہے اج مین وی چوگ اجل دی چگی​

ہیٹھوں شست شکاری جوڑے تیر کُگھی نوں لاواں
اُتوں باز تکے جے اُڈے تے پکڑ شتابی کھاواں ​

کُگھی جدوں اونہاں ول ڈٹھا کردی فکر گھنیرا
کہندی ربا کیوں کر رکھسیں بچن نہیں ہُن میرا​

تیر لگن وچ دیر نہ کوئی ، کجھ تدبیر نہ چلدی
آہی گھڑی ازل دی ایہو وچہ تقدیر ازل دی ​

جاں رب رکھن اُتے آیا کی سبب بنایا
کُگھی ول شکاری تکدا شست دھیاں بھڑایا​

پچھوں ناگ چلائے اس نوں دند آلود زہر دے
تیر چھٹا اوہ لگا بازے دونویں دشمن مردے ​

کُگھی بیٹھی رہی اُتھائیں ،چنگی بھلی نروئی
مارن والے موئے محمدقدرت رب دی ہوئی​

Comments

Leave a Reply

Next Post

اے حسن حقیقی نور ازل - خواجہ غلام فرید | Aye Husn-e-Haqiqi Lyrics

اے حسن حقیقی نور ازل تینوں واجب تے امکان کہوں Aye husn haqiqi noor-e-azal – Lyrics اے حسن حقیقی نور ازل تینوں واجب تے امکان کہوں​​تینوں خالق ذات قدیم کہوں تینوں حادث خلق جہان کہوں​​تینوں مطلق محض وجود کہوں تینوں علمیہ اعیان کہوں​​ارواح نفوس عقول مثال اشباح عیان نہان کہوں​​تینوں […]
اے حسن حقیقی نور ازل تینوں واجب تے امکان کہوں
%d bloggers like this: