TAAB E MIRAAT E SAHER GARD E BAYABAAN E ARAB NAAT LYRICS

islamkidunya
TAAB E MIRAAT E SAHER GARD E BAYABAAN E ARAB NAAT LYRICS

Taab-e-Miraat-e-Saher Gard-e-Bayabaan-e-Arab – Ala-Hazrat Naat Lyrics in Urdu

Taab-e-Miraat-e-Saher Gard-e-Bayabaan-e-Arab 
Ghaaza-e-rooye qamar dood-e-charaaghaan-e-arab. 

Allah Allah bahaar-e-chamanistaane arab, 
Paak hain lauth-e-khizaan sey gul-o-rehaan-e-arab. 

Joshish-e-abr sey khoon-e-gul-e-firdous kare, 
Cher de rag ko agar khaar-e-bayabaan-e-arab. 

Tishna-e-neher-e-jinaan har arabi-o-ajami,
Lab-e-har neher-e-jinan tishna-e-neesaane arab. 

Toq-e-gham aap hawae pare qumri sey gire,
Agar aazad kare sarw-e-khuramaan-e-arab. 

Meher-e-meezan mein chupa ho to hamal mein chamke, 
Dale ek boond shabe de mein jo baaraan-e-arab. 

Arsh sey muzda-e-bilqees-e-shafa’at laaya, 
Taair-e-sidrah nasheen murgh-e-sulemaan-e-arab. 

Husn-e-Yusuf pe kateen misr mein angasht-e-zanaan, 
Sar kataate hain tere naam pe mardaan-e-arab. 

Koocha koocha mein mahekti hay yahaan boo–-e-qamees, 
Yusufistaan hay har ek gosha-e-kan’aan-e-arab. 

Bazm-e-qudsi mein hay yaad-e-lab-e-jaan bakhsh Huzoor, 
Aalam-e-Noor mein hay chashma-e-haywaan-e-arab. 

Paayay Jibreel ne Sarkaar sey kya kya alqaab, 
Khusr-o-khail-e-malak khaadim-e-sultan-e-arab.

Bulbul-o-nilpar-o-kabak bano parwaano, 
Meh-o-khursheed pe hanste hain charaghaan-e-arab. 

Hoor sey kya kahein Moosa sey magar arz karein, 
Ke hay khud husn-e-azal taalib-e-jaanaan-e-arab. 

Karam-e-naat-key nazdeek to kuch door nahin, 
Ke RAZA-e-ajami ho sag-e- Hassaan-e-arab.

Taab-e-Miraat-e-Saher Gard-e-Bayabaan-e-Arab 
Ghaaza-e-rooye qamar dood-e-charaaghaan-e-arab. 

Poet: Ala-Hazrat Imam Ahmad Raza Khan Brelvi R.a

More Naat Lyrics

Comments

Leave a Reply

Next Post

Zahe Izzato Aetala-E Muhammad (Salla’lahu Alayhi Wa Sallam)

Zahe Izzato Aetala-E Muhammad (Salla’lahu Alayhi Wa Sallam) – Ala-Hazrat Naat Lyrics  Zahe Izzato Aetala-E MuhammadKe Hai Arsh E Haq Zere Paa-E Muhammad (Salla’lahu Alayhi Wa Sallam) Makaan Arsh Unka Falak Farsh Unka Malak Khaadimane Sara-E Muhammad (Salla’lahu Alayhi Wa Sallam) Khuda Ki Raza Chahte Hai Do AalamKhuda Chahta Hai […]
Zahe Izzato Aetala-E Muhammad (Salla’lahu Alayhi Wa Sallam)
%d bloggers like this: