Salaam Us Par Ke Jisne Bekason Ki Dastagiri Ki – Lyrics

Salaam Us Par Ke Jisne Bekason Ki Dastagiri Ki

Salaam Us Par Ke Jisne Bekason Ki Dastagiri Ki
Salaam Us Par Ke Jisne Baadshahi Mein Faqeeri Ki

Salaam Us Par Ke Asraare Mohabbat Jisne Samjhaye
Salaam Us Par Ke Jisne Zakhm Kha Kar Phool Barsaaye

Salaam Us Par Ke Jisne Bhooke Pyaason Ko Qabaayen Di
Salaam Us Par Ke Jisne Gaaliyan Sun Kar Duayen Di

Salaam Us Par Ke Jis Ka Zikr Hai Saare Wazaaif Mein
Salaam Us Par Jo Majroh Hua Bazaare Taaif Mein

Salaam Us Par Ke Jiske Sakht Ghar Ke Jung Karte The
Salaam Us Par Watan Ke Log Jisko Tang Karte The

Salaam Us Par Ke Jiske Ghar Mein Chaandi Thi Na Sona Tha
Salaam Us Par Ke Toota Boriya Jiska Bichona Tha

Salaam Us Par Jo Sachchai Ki Khaatir Dukh Uthata Tha
Salaam Us Par Jo Bhooka Rehkar Auron Ko Khilaata Tha

Salaam Us Par Ke Ummat Ke Liye Raaton Ko Rota Tha
Salaam Us Par Jo Farshe Khaak Pe Jaade Mein Sota Tha

Salaam Us Par Ke Jiski Saadgi Darse Baseerat Hai
Salaam Us Par Ke Jiski Zaat Fakhre Aadmiyat Hai

Salaam Us Par Ke Jisne Jholiyan Bhar Di Faqeeron Ki
Salaam Us Par Ke Mashken Khol Di Jisne Aseeron Ki

Salaam Us Par Ke Jiski Chaand Taaron Ne Gawaahi Di
Salaam Us Par Ke Jiski Sang Paaron Ne Gawaahi Di

Salaam Us Par Ke Jisne Shirk Ke Purze Udaa Daale
Salaam Us Par Ke Jisne Naksh Baatil Ke Mita Daale

Salaam Us Par Ke Jisne Zindagi Ka Raaz Samjhaya
Salaam Us Par Jo Khud Badr Ke Maidaa(n) Mein Kaam Aaya

Salaam Us Par Ke Jisne Bekason Ki Dastagiri Ki
Salaam Us Par Ke Jisne Baadshahi Mein Faqeeri Ki

سلام اس پر کہ جس نے بے کسوں کی دستگیری کی

سلام اس پر کہ جس نے بادشاہی میں فقیری کی

سلام اس پرکہ اسرارِ محبت جس نے سکھلائے

سلام اس پر کہ جس نے زخم کھا کر پھول برسائے

سلام اس پر کہ جس نے خوں کے پیاسوں کو قبائیں دیں

سلام اس پر کہ جس نے گالیاں سن کر دعائیں دیں

سلام اس پر کہ دشمن کو حیاتِ جاوداں دے دی

سلام اس پر ابو سفیان کو جس نے اماں دے دی

سلام اس پر کہ جس کا ذکر ہے سارے صحائف میں

سلام اس پ ہوا مجروح جو بازارِ طائف میں

سلام اس پر وطن کے لوگ جس کو تنگ کرتے تھے

سلام اس پر کہ گھر والے بھی جس سے جنگ کرتے تھے

سلام اس پر کہ جس کے گھر میں چاندی تھی نہ سونا تھا

سلام اس پر کہ ٹوٹا بوریا جس کا بچھونا تھا

سلام اس پر جو سچائی کی خاطر دکھ اٹھاتا تھا

سلام اس پر جو بھوکا رہ کے اوروں کو کھلاتا تھا

سلام اس پر جو امت کے لیے راتوں کو روتا تھا

سلام اس پر جو فرشِ خاک پر جاڑے میں سوتا تھا

سلام اس پر جو دنیا کے لئے رحمت ہی رحمت ہے

سلام اس پر کہ جس کی ذات فخرِ آدمیّت ہے

سلام اس پر کہ جس نے جھولیاں بھردیں فقیروں کی

سلام اس پر کہ مشکیں کھول دیں جس نے اسیروں کی

سلام اس پر کہ جس کی چاند تاروں نے گواہ دی

سلام اس پر کہ جس کی سنگ پاروں نے گواہی دی

سلام اس پر کہ جس نے زندگی کا راز سمجھایا

سلام اس پر کہ جو خود بدر کے میدان میں آیا

سلام اس پر کہ جس کا نام لے کر اس کے شیدائی

الٹ دیتے ہیں تختِ قیصریت اوجِ دارائی

سلام اس پر کہ جس کے نام لیوا ہر زمانے میں

بڑھا دیتے ہیں ٹکڑا سرفروشی کے فسانے میں

سلام اس ذات پر کہ جس کے یہ پریشاں حال دیوانے

سنا سکتے ہیں اب بھی خالد و حیدر کے افسانے

درود اس پر کہ جس کی بزم میں قسمت نہیں سوتی

درود اس پر کہ جس کے ذکر سے سیری نہیں ہوتی

درود اس پر کہ جس کے تذکرے ہیں پاک بازوں میں

درود اس پر کہ جس کا نام لیتے ہیں نمازوں میں

درود اس پر، جسے شمعِ شبستان ازل کہیے

درود اس ذات پر فخرِ بنی آدم جسے کہیے

ماہر القادری

Read More:

• Sehar Ka Waqt Tha Masoom Kaliyaan Muskurati Thin
• Sarwar kahoon Ke Maalik-o-Maula Kahoon Tujhe Lyrics
• Mere Dil Ki Zameen Par Hai Qadam Zahra Ke Bacchon Ka – Lyrics

Follow Us On: