Hirz e Jaan Zikr e Shafa’at Kijiye

islamkidunya
Hirz e Jaan Zikr e Shafa'at Kijiye

Hirz e Jaan Zikr e Shafa’at Kijiye – Naat Lyrics in Urdu

Hirz e Jaan Zikr e Shafa’at Kijiye
Naar se bachne ki surat kijiye

Un ke dar pe jaise hain mit jayiye
Naatuaano kuch to himmat kijiye

Un ke dar par baitiye ban kar faqeer
Benawaao fikr e sarwat kijiye

Jin ka husn Allah ko bhi bha gaya
Aise Pyaare se muhabbat kijiye

Naara kijiye Ya RasoolAllah (salla Llahu ‘alayhi wa sallam) ka
Mufliso saamaan e dolat kijiye

Hum tumhare ho ke kis ke paas jaaye
Sadqa Shehzaado ka rahmat kijiye

Aap Sultaan e jahaan hum benawaa
Yaad hum ko waqt e nemat kijiye

Tujh se kya kya ae mere Taiba ke Chand
Zulmat e ghum ki shikaayat kijiye

Dar badar kab tak phire khasta kharaab
Taiba me madfan inaayat kijiye

Phir palat kar mun na is jaanib kiya
Such hain aur dawa e ulfat kijiye

Uqrabaa hub e watan behimmati
Aah kis kis ki shikaayat kijiye

Ab to Aqa mun dikhane ka nahi
Kis tarha raf e nidaamat kijiye

Kis se kehyiye kya kya kya ho gaya
Khud hi apne par malaamat kijiye

Arz ka bhi ab to mun partaa nahi
Kya ilaaj e dard e furqat kijie

Apni ik meethi nazar ke shehad se
Chaarah e zehr e museebat kijiye

De Khuda himmat ke ye jaan e hazeen
Aap par waari wo surat kijiye

Aap hum se bar kar hum par mehrbaan
Hum kare jurm Aap rahmat kijiye

Jo na bhoola hum ghareebo ko Raza
Yaad us ki apni aadat kijiye

Poet: Imam Ahmad Raza Khan Brelvi

COLLECTION OF NAAT LYRICS

Comments

Leave a Reply

Next Post

Shukr E Khuda Ki Aaj Ghadi Us Safar Ki Hai

Shukr E Khuda Ki Aaj Ghadi Us Safar Ki Hai – Ala-Hazrat Naat Lyrics in Urdu Shukr E Khuda Ki Aaj Ghadi Us Safar Ki Hai Jis Par Nisaar Jaan Falaaho Zafar Ki Hai Garmi Hai Tap Hai Dard Hai Kulfat Safar Ki Hai Na Shukr Ye To Dekh Azeemat […]
Shukr E Khuda Ki Aaj Ghadi Us Safar Ki Hai