Dil Thikana Mere Hussain Ka Hai 

Dil Thikana Mere Hussain Ka Hai 

Dil Thikana Mere Hussain Ka Hai

Dil Thikana Mere Hussain Ka Hai
Yeh Khazana Mere Husain Ka Hai

Mustafa Ka Hua Hai Sajda Taweel
Kya Satana Mere Husain Ka Hai

Masjid e Nabvi Mein Dauraan e Namaaz
Aana Jaana Mere Husain Ka Hai

Jiski Aankhon Ne Rab Ko Dekha Hai
Ayesa Naana Mere Husain Ka Hai

Tum Kaha Karte Ho Jise Kaafir
Wo Toh Dada Mere Hussain Ka Hai

Jis Ne Tukde Kiye Thay Marhab Ke
Ayesa Baba Mere Hussain Ka Hai

Chahe Aaye Yazeed Jaise Hazaar
Har Zamana Mere Hussain Ka Hai

Jisko Quraan Ne Sabse Aala Kaha
Wo Gharana Mere Hussain Ka Hai

Chaand Taaron Se Bhi Ziyada Haseen
Muskurana Mere Hussain Ka Hai

Sar Jhukate Hain Jibraeel Jahaan
Ashiyaana Mere Husain Ka Hai

Aal e Imraan Kaha Gaya Hai Jise
Wo Gharana Mere Husain Ka Hai

Karbala Bhi Toh Ek Arsh Hi Hai
Ye Thikana Mere Husain Ka Hai

Apne Nana Ke Deen Ki Khatir
Sar Katana Mere Husain Ka Hai

Dediya Khud Ko Bhi Khuda Ke Liye
Kya Lutana Mere Husain Ka Hai

Bheek Lete Hain Awliya Bhi Jahan
Aastana Mere Husain Ka Hai

Jis Jagah Na Gaya Koi Sabir
Aagey Jaana Mere Husain Ka Hai

Wo Deewana Pasand Hai Sabir Ko
Jo Deewana Mere Husain Ka Hai

Facebook Page
Youtube Channel
Comments

One thought on “Dil Thikana Mere Hussain Ka Hai 

Leave a Reply

Next Post

Jannat mein lay kay jaey Ghi Chahat Rasool ki Lyrics

Jannat mein lay kay jaey Ghi Chahat Rasool ki Kyun kar na meray dil mein ho Ulfat Rasool ki Jannat mein lay kay jaey Ghi Chahat Rasool ki Chalta hoon mein be Qafelay walo ruko zara Milnay do bus mujhay be Ijazat Rasool ki Phochay Jo Din-o-Iman Nakerain Qabr mein […]
Jannat mein lay kay jaey Ghi Chahat Rasool ki Lyrics
%d bloggers like this: