کیا مہکتے ہیں مہکنے والے

islamkidunya
KYA MAHEKTE HAIN MAHEKNE WALE

نعتِ رسولِ کریم صلی اللہ علیہ وآلہ وسلم – کیا مہکتے ہیں مہکنے والے

 

KYA MAHEKTE HAIN MAHEKNE WALE

NAAT LYRICS

 

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

کیا مہکتے ہیں مہکنے والے

بو پہ چلتے ہیں بھٹکنے والے

جگمگا اٹھی مِری گور کی خاک

تیرے قربان چمکنے والے

مہِ بے داغ کے صدقے جاؤں

یوں دمکتے ہیں دمکنے والے

عرش تک پھیلی ہے تابِ عارض

کیا جھلکتے ہیں جھلکنے والے

گُل طیبہ کی ثنا گاتے ہیں

نخل طوبیٰ پہ چہکنے والے

عاصیو! تھام لو دامن اُن کا

وہ نہیں ہاتھ جھٹکنے والے

ابرِ رحمت کے سلامی رہنا

پھلتے ہیں پودے لچکنے والے

ارے یہ جلوہ گہِ جاناں ہے

کچھ ادب بھی ہے پھڑکنے والے

سنّیو! ان سے مدد مانگے جاؤ

پڑے بکتے رہیں بکنے والے

شمعِ یادِ رُخِ جاناں نہ بجھے

خاک ہو جائیں بھڑکنے والے

موت کہتی ہے کہ جلوہ ہے قریب

اِک ذرا سو لیں بلکنے والے

کوئی اُن تیز رووں سے کہہ دو

کس کے ہو کر رہیں تکھنے والے

دل سلگتا ہی بھلا ہے اے ضبط

بجھ بھی جاتے ہیں دہکنے والے

ہم بھی کمھلانے سے غافل تھے کبھی

کیا ہنسا غنچے چٹکنے والے

نخل سے چھٹ کے یہ کیا حال ہوا

آہ او پتّے کھڑکنے والے

جب گرے منھ سوئے مَے خانہ تھا

ہوش میں ہیں یہ بہکنے والے

دیکھ او زخمِ دل آپے کو سنبھال

پھوٹ بہتے ہیں تپکنے والے

مَے کہاں اور کہاں میں زاہد

یوں بھی تو چھکتے ہیں چھکنے والے

کفِ دریائے کرم میں ہیں رضؔا

پانچ فوّارے چھلکنے والے

اُرْدُو نعت لیرکس

چلو دیارِ نبیﷺ کی جانب درود لب پر سجا سجا کر

قربان میں اُن کی بخشش کے مقصد بھی زباں پر آیا نہیں

میں لب کشا نہیں ہوں اور محو التجا ہوں​

یا محمد نورِ مجسم یا حبیبی یا مولائی

Comments

Leave a Reply

Next Post

نبی سَروَرِ ہر رسول و ولی ہے

نعتِ رسولِ کریم صلی اللہ علیہ وآلہ وسلم – نبی سَروَرِ ہر رسول و ولی ہے NABI SARWAR E HAR RASOOL O WALI HAI NAAT LYRICS اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ […]
NABI SARWAR E HAR RASOOL O WALI HAI
%d bloggers like this: