Site icon ISLAM KI DUNYA

کیا مہکتے ہیں مہکنے والے

KYA MAHEKTE HAIN MAHEKNE WALE

نعتِ رسولِ کریم صلی اللہ علیہ وآلہ وسلم – کیا مہکتے ہیں مہکنے والے

 

KYA MAHEKTE HAIN MAHEKNE WALE

NAAT LYRICS

 

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

کیا مہکتے ہیں مہکنے والے

بو پہ چلتے ہیں بھٹکنے والے

جگمگا اٹھی مِری گور کی خاک

تیرے قربان چمکنے والے

مہِ بے داغ کے صدقے جاؤں

یوں دمکتے ہیں دمکنے والے

عرش تک پھیلی ہے تابِ عارض

کیا جھلکتے ہیں جھلکنے والے

گُل طیبہ کی ثنا گاتے ہیں

نخل طوبیٰ پہ چہکنے والے

عاصیو! تھام لو دامن اُن کا

وہ نہیں ہاتھ جھٹکنے والے

ابرِ رحمت کے سلامی رہنا

پھلتے ہیں پودے لچکنے والے

ارے یہ جلوہ گہِ جاناں ہے

کچھ ادب بھی ہے پھڑکنے والے

سنّیو! ان سے مدد مانگے جاؤ

پڑے بکتے رہیں بکنے والے

شمعِ یادِ رُخِ جاناں نہ بجھے

خاک ہو جائیں بھڑکنے والے

موت کہتی ہے کہ جلوہ ہے قریب

اِک ذرا سو لیں بلکنے والے

کوئی اُن تیز رووں سے کہہ دو

کس کے ہو کر رہیں تکھنے والے

دل سلگتا ہی بھلا ہے اے ضبط

بجھ بھی جاتے ہیں دہکنے والے

ہم بھی کمھلانے سے غافل تھے کبھی

کیا ہنسا غنچے چٹکنے والے

نخل سے چھٹ کے یہ کیا حال ہوا

آہ او پتّے کھڑکنے والے

جب گرے منھ سوئے مَے خانہ تھا

ہوش میں ہیں یہ بہکنے والے

دیکھ او زخمِ دل آپے کو سنبھال

پھوٹ بہتے ہیں تپکنے والے

مَے کہاں اور کہاں میں زاہد

یوں بھی تو چھکتے ہیں چھکنے والے

کفِ دریائے کرم میں ہیں رضؔا

پانچ فوّارے چھلکنے والے

Owais Raza Qadri | Kya Mehakte Hain Mehakne Wale | New Mehfile Naat 2018

اُرْدُو نعت لیرکس

چلو دیارِ نبیﷺ کی جانب درود لب پر سجا سجا کر

قربان میں اُن کی بخشش کے مقصد بھی زباں پر آیا نہیں

میں لب کشا نہیں ہوں اور محو التجا ہوں​

یا محمد نورِ مجسم یا حبیبی یا مولائی

Comments
Exit mobile version