عشق دی نوئیوں نویں بہار – بابا بلھے شاہ – Ishq Di Naweenio Naween Bahar

islamkidunya
عشق دی نوئیوں نویں بہار - بابا بلھے شاہ

عشق دی نوئیوں نویں بہار – بابا بلھے شاہ

Ishq De Naweenio Naween Bahar | Bulleh Shah

عشق دی نوئیوں نویں بہار

جاں میں سبق عشق دا پڑھیا
مسجد کولوں جیوڑا ڈریا
ڈیرے جا ٹھاکر دے وڑیا
جتھے وج دے ناد ہزار

جاں میں زمز عشق دی پائی
میناں طوطا مار گوائی
اندر باھر ہوئی صفائی
جتول دیکھاں یار و یار

ہیر رانجھے دے ہو گئے میلے
بُھلی ہیر ڈھونڈ یندی بیلے
رانجھا یار بُکل وِچّ کھیلے
مینوں سُدھ رہی نہ سار

بید قرآناں پڑھ پڑھ تھکے
سجدے کر دیاں گھس گئے متھّے
ناں رب تیرتھ ناں رب مکّے
جس پایا تِس نور انوار

پُھوک مُصلٰی بھن سٹ لوٹا
نہ پھڑ تسبیح عاصا سوٹا
عاشق کہندے دے دے ہوکا
ترک حلالوں کھاہ مُردار

عُمر گوائی وچ مسیتی
اندر بھریا نال پلیتی
کدے نماز توحید نہ نیتی
ہُن کیہ کرنائیں سور پُکار

عشق بُھلا سجدہ تیرا
ہُن کیوں اینویں پاویں جھیڑا
بُلھّا ہندا چُپ بتیرا
عشق کریندا مارو مار

عشق دی نوئیوں نویں بہار ​

Ishq dee naweenio naween bahar

Jaan main sabq Ishq da parhya
Masjid kolon jeyorra darya
poch poch thakur dowrey warrya
Jithey wajdey naad hazaar

Ishq dee naweenio naween bahar

Ved, Quran parh parh thakey
Sajdey kardiyaan ghis gaye mathey
Na Rab Tayrath, na Rab Makkeh
Jis paya tas nur anwaar

Ishq dee naweenio naween bahar

Phok musaleh, bhun sat lota
Na parh tasbeh, aasa, sota
Ashiq kehndey dey dey hoka
“Tark hlaalon, kha murdar”

Ishq dee naweenio naween bahar

Heer Ranjhey dey hogaye meeley
Bholi Heer dhondi beley
Ranjhan yaar baghal wich kheyley
Surt na rahya, surt sanbhaar

Follow Us:

     

Comments

Leave a Reply

Next Post

35+ Alhamdulillah Quotes to Thanks ALLAH - Islamic Quotes

Gratitude is not only the heart and essence of Islam; it is also the key to attracting abundance, prosperity, peace, and success in one’s life. We can say that Gratitude and Shukr are the most important aspects of Islam. We as a Muslims should always thankful to Almighty Allah for […]
%d bloggers like this: