بلھا کیہ جاناں میں کون – بلھے شاہ

islamkidunya
بلھا کیہ جاناں میں کون - بلھے شاہ

Bulla! ki jaana mai kaun – Baba Bulleh Sha (Lyrics)

 کلام بابا بلھے شاہ – بلھا کیہ جاناں میں کون

بلھا کیہ جاناں میں کون

نہ میں مومن وچ مسیت آں
نہ میں وچ کفر دی ریت آں
نہ میں پاکاں وچ پلیت آں
نہ میں موسٰی، نہ فرعون

نہ میں اندر وید کتاباں
نہ وچ بھنگاں، نہ شراباں
نہ وچ رِنداں مست خراباں
نہ وچ جاگن، نہ وِچ سون

نہ وچ شادی نہ غمناکی
نہ میں وچ پلیتی پاکی
نہ میں‌ آبی نہ میں خاکی
نہ میں آتش نہ میں پون

نہ میں عربی نہ لاہوری
نہ میں ہندی شہر نگوری
نہ ہندو نہ ترک پشوری
نہ میں رہندا وچ ندون

نہ میں بھیت مذہب دا پایا
نہ میں آدم حوّا جایا
نہ میں اپنا نام دھرایا
نہ وِچ بیٹھن، نہ وِچ بھَون

اوّل آخر آپ نوں جاناں
نہ کوئی دوجا ہور پچھاناں
میتھوں ہور نہ کوئی سیانا
بلھا! اوہ کھڑا ہے کون

بلھا کیہ جاناں میں کون

Bulla! ki jaana mai kaun

Na mai momin vich maseet aan
Na mai vich kufar diyan reet aan
Na mai paakaan vich paleet aan

Na mai andar ved kitaab aan,
Na mai renda bhang sharaab aan
Na mai renda masat kharaab aan

Na mai shaadi na ghamnaaki
Na mai vich paleeti paaki
Na mai aabi na mai khaki
Na mai aatish na mai paun

Bulla! ki jaana mai kaun X4

Na mai arabi na lahoria
Na mai hindi shehar nagauri
Na hindu na turak peshawri

Na mai bheth mazhab da paaya
Ne mai aadam havva jaaya
Na koi apna naam dharaaya

Avval aakhir aap nu jaana
Na koi dooja hor pehchaana
Maethon na koi hor siyaana
Bulla! shah khadda hai kaun

Bulla! ki jaana mai kaun

Na mai moosa na pharaun.
Na mai jaagan na vich saun.
Na mai aatish na mai paun
Na mai rehnda vich nadaun
Na mai baitthan na vich bhaun
Bulla! shah khadda hai kaun

Bulla! ki jaana mai kaun

Follow Us:

     

 

Comments

Leave a Reply

Next Post

بابا بلھے شاہ - آ مل یارا سار لے میری | Aa Mil yaar Saar le Meri - Bulleh Shah

بابا بلھے شاہ – آ مل یارا سار لے میری Aa Mil Yaar Saar Le Meri (Kalam e Bulleh Shah) آ مل یارا سار لے میری میری جان دُکھاں نے گھیری اندر خواب وچھوڑا ہویا، خبر نہ پیندی تیری سنجی بن وچ لُٹی سائیاں، سُورپلنگ نے گھیری ملاں قاضی راہ […]
بابا بلھے شاہ - آ مل یارا سار لے میری
%d bloggers like this: