اک نقطے وچ گل مکدی ہے – Ik Nukte Wich Gal Mukdi – Bulleh Shah

islamkidunya
اک نقطے وچ گل مکدی ہے - بلھے شاہ

Ik Nukte Wich Gal Mukdi – Bulleh Shah

اک نقطے وچ گل مکدی ہے – بلھے شاہ

اک نقطے وچ گل مکدی ہے
پھڑ نقطہ چھوڑ حساباں نوں
کر دور کفر دیاں بایاں نُوں
چَھڈ دوزخ گور عذاباں نُوں
کر صاف دلے دیاں خواباں نُوں
گل ایسے گھر وچ ڈھُکدی ہے

 

اِینویں متھا زمین گھسائیدا
پا لمّا محراب وکھائیدا
پڑھ کلمہ لوک ہسائیدا
دل اندر سمجھ نہ لیائیدا
کدی بات سچی بھی لُکدی ہے

 

کئی حاجی بَن بَن آئے جی
گل نیلے جامے پائے جی
حج ویچ ٹکّے لے کھائے جی
بھلا ایہہ گل کینہوں بھائے جی
کدی سچی گل بھی لُکدی ہے

 

اک جنگل بحریں جاندے نیں
اک دانا روز لے کھاندے نیں
بے سمجھ وجود تھکاندے نیں
گھر آون ہوکے ماندے نیں
اینویں چلیاں وچ جند سُکدی ہے

 

پھر مرشد عبد خدائی ہو
وچ مستی بے پروائی ہو
بے خواہش بے نوائی ہو
وچ دل دے خوب صفائی ہو
بُلھا بات سچی کدوں رُکدی ہے
اک نقطے وچ گل مکدی ہے

 

Ek nukte vich gal mukdi ae
Phadd nukta, chodd hisaabaan nu, 
kar door kufar diyaan baabaan nu.
Laah dozakh gor azaabaan nu, 

kar saaf dile diyaan khavaabaan nu.
Gal aise ghar vich dhukkdi eh, 

Ek nukte vich gal mukdi ae

Aiven mattha zameen ghasaida, 
lamma pa mahiraab dikhaida.
Padh kalma lok hasaida, 

dil andar samajh na liaaida.
Kadi baat sacchi vi lukdi eh, 

ik nukte vich gal mukdi eh

Kaee haaji ban ban aaye ji,
gal neele jaame paaye ji,
Haj baich takey le khaaye ji, 

bhala eh gal kinnu bhaaye ji.
Kadey baat sacchi vi lukdi eh, 

ik nukte vich gal mukdi eh.

Ik jangal bahireen jaande ni, 
ik daana roz le khaande ni.
Besamajh vajood thakkaande ni, 

ghar aavan ho ke maande ni.
Aiven chilliyaan vich jind sukhdi eh, 

ik nukte vich gal mukdi eh. 

Phadd murshad aabad khudai ho, 
vich masti beparvaahi ho,
Be khaahash be navaai ho, 

vich dil de khoob safai ho.
Bulla baat sacchi kadon rukdi eh, 

ik nukte vich gal mukdi eh.

Follow Us:

     

Comments

Leave a Reply

Next Post

بابا بلھے شاہ - منہ آئی بات نہ رہندی اے | Moun Aayi Baat Nah Rehndi Ae

منہ آئی بات نہ رہندی اے – بابا بلھے شاہ Moun Aayi Baat Nah Rehndi Ae جھوٹھ آکھاں تے کجھ بچدا اے، سچ آکھیاں بھامبڑ مچدا اےجی دوہاں گلاں توں جچدا اے، جچ جچ کے جہوا کہندی اے  منہ آئی بات نہ رہندی اے   جس پایا بھیت قلندر دا، […]
منہ آئی بات نہ رہندی اے ایتھے دنیاں وچ انھیرا اے، ایہہ تلکن بازی وہڑھا اے، وڑ اندر ویکھو کہڑا اے، کیوں کھفتن باہر ڈھونڈیدی اے
%d bloggers like this: