Muhammad Naam Pe Qurban Meri Jaan Ho Jaye

islamkidunya
Muhammad Naam Pe Qurban Meri Jaan Ho Jaye

Muhammad Naam Pe Qurban Meri Jaan Ho Jaye – Urdu Naat Lyrics

Muhammad Naam Pe Qurban Meri Jaan Ho Jaye
Isi ke Sadqay mein Kaamil mera Iman hoJaye

Mere Mushkil kusha Hasanain ka Sadqa Ata kar de
Balaen door hon Mushkil Meri Aasan ho Jaye

Mere Aamal ka badla tabahi hay magar piyaray
Mein Jannat ko sidharon jo tera farmaan ho Jaye

Madinay Paak ke kutton ki khidmat ka sharaf paaon
Sagaan-e-Taybah ka Khadim, meri pehchan ho Jaye

Mein jaun daar-e-faani se mera Emaan Salamat ho
Teri chahat teri Ulfat mera Saman ho Jaye

Mere Shafay’ sawali hun Nijaat-e-Aakhirat ka mein
Sar-e-Mehshar Shafa’at ka teri Aey’laan ho Jaye

Mein hun Sunni, rahun sunni, jeeun sunni, marun sunni
Karam Aey Sayyid-e-Aalam tera Ihsaan ho Jaye

Teri Naatien parrhun teri Sana mein Mast ho jaon
Paey Akhtar Nigaah-e-Hazrat-e-Hassan ho Jaye

Teri Madh-o-Sana sunn kar sarray munkir karay maatam
Magar jab bhi koi Sunni sunay Farhaan ho Jaye

Khurooj-o-Rafz ke Shar se mera aur meri Naslon ka
Salamat deen-o-Iman Aey Mere Sultan ho Jaye

Mein Baghdad-e-Mu’alla aanay ko tayyar hun kab se
Izn bas Haazri ka az Shah e Jeelan ho Jaye

Bareilly Hziri dun phr Chaloon Ajmer ko Khwajah
Raza ke Faiz se mujh par tera faizan ho Jaye

Mere Ghous o Raza ka, mere Khwaja, mere Daata ka
Mere Murshid ka Mujh pe Daaimi Faizan ho Jaye

Meri Naslain chalain Raah e Sunan par taa Dam e Aakhir
Meri Aulaad Aaqa Aalim-e-Quran ho Jaye

Karam karna karam walay bharam rakhna bharam walay
Teri Namoos pe Qurban yeh Irfan ho Jaye

COLLECTION OF NAAT LYRICS

Comments

Leave a Reply

Next Post

Aseero Ke Mushkil Kusha Ghaus e Azam

Aseero Ke Mushkil Kusha Ghaus e Azam – Manqabat Lyrics in Urdu Aseero Ke Mushkil Kusha Ghaus e Azam Faqeeron Ke Haajat Rawaa Ghaus e Azam Ghira Hai Balaaoñ Meiñ Bandaa Tumhara Madad Ke Liye Aao Ya Ghaus e Azam Tere Haath Meiñ Haath Maine Diya Hai Tere Haath Hai […]
Aseero Ke Mushkil Kusha Ghaus e Azam
%d bloggers like this: