Aisa Tujhe Khaaliq Ne Tarahdaar Banaya

islamkidunya
Aisa Tujhe Khaaliq Ne Tarahdaar Banaya

Aisa Tujhe Khaaliq Ne Tarahdaar Banaya – Naat Lyrics in Urdu

Aisa Tujhe Khaaliq Ne Tarahdaar Banaya
Yusuf Ko Tera Taalib E Deedar Banaya

Kaunain Banaaye Gaye Sarkaar Ki Khaatir
Kaunain Ki Khaatir Tumhein Sarkaar Banaya

Kunji Tumhein Di Apne Khazaanon Ki Khuda Ne
Mehboob Kiya Maalik O Mukhtaar Banaya

Allah Ki Rehmat Hai Ke Aise Ki Ye Qismat
Aasi Ka Tumhein Haami O Ghumkhwaar Banaya

Aisa Tujhe Khaaliq Ne Tarahdar Banaya
Yusuf Ko Tera Taalib E Deedar Banaya

Aalam Ke Salaateen Bhikaari Hain Bhikaari
Sarkaar Banaya Tumhein Sarkaar Banaya

Lillah Karam Mere Bhi Veerana E Dil Par
Sehra Ko Tere Husn Ne Gulzaar Banaya

Allah Ta’ala Bhi Huwa Uss Ka Tarafdaar
Sarkaar Tumhein Jis Ka Tarafdaar Banaya

Aisa Tujhe Khaaliq Ne Tarahdar Banaya
Yusuf Ko Tera Taalib E Deedar Banaya

Gulzaar E Jinaan Tere Liye Haq Ne Banaye
Apne Liye Tera Gul E Rukhsaar Banaya

Be Yaaro Madadgaar Jinhein Koi Na Pooche
Aison Ka Tujhe Yaaro Madadgaar Banaya

Har Baat Bad A’amaliyon Se Maine Bigaadi
Aur Tum Ne Meri Bigdi Ko Har Baar Banaya

Unn Ke Lab E Rangeen Ki Nichhaawar Thi Wo Jis Ne
Patthar Mein Hasan La’al E Pur Anwaar Banaya

Aisa Tujhe Khaaliq Ne Tarahdaar Banaya
Yusuf Ko Tera Taalib E Deedar Banaya

COLLECTION OF NAAT LYRICS

Comments

Leave a Reply

Next Post

Tumhara Naam Musibat Mein Jab Liya Hoga

Tumhara Naam Musibat Mein Jab Liya Hoga – Naat Lyrics in Urdu Tumhara Naam Musibat Mein Jab Liya Hoga Humara bigda hua kaam ban gaya hoga Gunahgaar pe jab lutf aap ka hoga Kya baghair kya be kya kya hoga Khuda ka lutf hoga dastagir zaroor Jo girte girte tera […]
Tumhara Naam Musibat Mein Jab Liya Hoga
%d bloggers like this: