رونقِ بزمِ جہاں ہیں عاشقانِ سوختہ

islamkidunya
ROUNAQ E BAZME JAHAAN HAI AASHIQANE SOKHTA

نعت ِ رسول ِ کریم صلی اللہ علیہ وآلہ وسلم – رونقِ بزمِ جہاں ہیں عاشقانِ سوختہ

Rounaq E Bazme Jahaan Hai Aashiqane Sokhta

Naat Lyrics

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

رونقِ بزمِ جہاں ہیں عاشقانِ سوختہ

کہہ رہی ہے شمع کی گویا زبانِ سوختہ

جس کو قُرصِ مہر سمجھا ہے جہاں اے منعمو!

اُن کے خوانِ جود سے ہے ایک نانِ سوختہ

ماہِ من یہ نیّرِ محشر کی گرمی تابکے

آتشِ عصیاں میں خود جلتی ہے جانِ سوختہ

برقِ انگشتِ نبی چمکی تھی اس پر ایک بار

آج تک ہے سینۂ مہ میں نشانِ سوختہ

مہرِ عالم تاب جھکتا ہے پئے تسلیم روز

پیشِ ذرّاتِ مزارِ بیدلانِ سوختہ

کوچۂ گیسوئے جاناں سے چلے ٹھنڈی نسیم

بال و پر افشاں ہوں یا رب بلبلانِ سوختہ

بہرِ حق اے بحرِ رحمت اک نگاہِ لطف بار

تابکے بے آب تڑپیں ماہیانِ سوختہ

روکشِ خورشیدِ محشر ہو تمھارے فیض سے

اک شرارِ سینۂ شیدائیانِ سوختہ

آتشِ تر دامنی نے دل کیے کیا کیا کباب

خضر کی جاں ہو جِلا دو ماہیانِ سوختہ

آتشِ گُلہائے طیبہ پر جلانے کے لیے

جان کے طالب ہیں پیارے بلبلانِ سوختہ

لطفِ برقِ جلوۂ معراج لایا وجد میں

شعلۂ جوّالہ ساں ہے آسمانِ سوختہ

اے رؔضا! مضمون سوزِ دِل کی رفعت نے کیا

اس زمینِ سوختہ کو آسمانِ سوختہ

اُرْدُو نعت لیرکس

پھر کے گلی گلی تباہ ٹھوکریں سب کی کھائے کیوں

صبح طیبہ میں ہوئی بٹتا ہے باڑا نور کا

محمد مظہر کامل ہے حق کی شان عزت کا

نہ کہیں سے دُور ہیں مَنزلیں نہ کوئی قریب کی بات ہے

Comments

Leave a Reply

Next Post

کس کے جلوے کی جھلک ہے یہ اجالا کیا ہے

نعتِ رسولِ کریم صلی اللہ علیہ وآلہ وسلم – کس کے جلوے کی جھلک ہے یہ اجالا کیا ہے KIS KE JALWO KI JHALAK HAI YE UJALA KIYA HAI  NAAT LYRICS اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ اَللّٰھُمَّ بَارِکْ […]
KIS KE JALWO KI JHALAK HAI YE UJALA KIYA HAI
%d bloggers like this: