خراب حال کیا دل کو پُر ملال کیا

islamkidunya
KHARAB HAL KYA DIL KO PUR MALAL KYA

نعت رسول کریم صلی اللہ علیہ وآلہ وسلم – خراب حال کیا دل کو پُر ملال کیا

KHARAB HAL KYA DIL KO PUR MALAL KYA

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

خراب حال کیا دل کو پُر ملال کیا

تمہارے کوچہ سے رخصت کیا نہال کیا

نہ روئے گل ابھی دیکھا نہ بوئے گل سونگھی

قضا نے لا کے قفس میں شکستہ بال کیا

وہ دل کہ خوں شدہ ارماں تھے جس میں مل ڈالا

فغاں کہ گور شہیداں کو پائمال کیا

یہ رائے کیا تھی وہاں سے پلٹنے کی اے نفس

ستم گر الٹی چھری سے ہمیں حلال کیا

یہ کب کی مجھ سے عداوت تھی تجھ کو اے ظالم

چھڑا کے سنگ در پاک سر و بال کیا

چمن سے پھینک دیا اشیانہ ¿ بلبل

اجاڑا خانہ ¿ بے کس بڑا کمال کیا

ترا ستم زدہ آنکھوں نے کیا بگاڑا تھا

یہ کیا سمائی کہ دُور ان سے وہ جمال کیا

حضور ان کے خیال وطن مٹانا تھا

ہم آپ مٹ گئے اچھا فراغ بال کیا

نہ گھر کا رکھا نہ اس در کا ہائے ناکامی

ہماری بے بسی پر بھی نہ کچھ خیال کیا

جو دل نے مر کے جلایا تھا منتوں کا چراغ

ستم کہ عرض رہِ صرصرِ زوال کیا

مدینہ چھوڑ کے ویرانہ ہند کا چھایا

یہ کیسا ہاے حواسوں نے اختلال کیا

تو جس کے واسطے چھوڑ اایا طیبہ سا محبوب

بتا تو اس ستم آرا نے کیا نہال کیا

ابھی ابھی تو چمن میں تھے چہچہے ناگاہ

یہ درد کیسا اٹھا جس نے جی نڈھال کیا

الٰہی سن لے رضا جیتے جی کہ مولےٰ نے

سگان کوچہ میں چہرہ مرا بحال کیا

اُرْدُو نعت لیرکس

آج اشک میرے نعت سنائیں تو عجب کیا

بھر دو جھولی میری یا محمد  لوٹ کر میںنہ جاوّں گا خالی 

حالِ دل کس کو سناوں آپ کے ہوتے ہوئے

فاصلوں کو تکلف ہے ہم سے اگر ، ہم بھی بے بس نہیں ، بے سہارا نہیں

COLLECTION OF NAAT LYRICS

Comments

Leave a Reply

Next Post

طوبےٰ میں جو سب سے اونچی نازک سیدھی نکلی شاخ

نعت رسول کریم صلی اللہ علیہ وآلہ وسلم – طوبےٰ میں جو سب سے اونچی نازک سیدھی نکلی شاخ TOOBA MEIN JO SAB SEY OONCHI NAAZUK SEEDHI NIKLI SHAAKH اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ اَللّٰھُمَّ بَارِکْ عَلٰی مُحَمَّدٍ […]
TOOBA MEIN JO SAB SEY OONCHI NAAZUK SEEDHI NIKLI SHAAKH
%d bloggers like this: