میں نعت تیری پڑھنا میں ذکر تیرا کرنا
اس ذکر دی برکت نال میری قبر وسا دینا.

مر چلیا ہاں رو رو کے ,وچ ہجردے محبوبا
بے چین نگاہواں نوں دیدار کرا دینا

دل روندا اے جد لوکی ,جاندے نیں مدینے نوں
ہن سانوں وی یا آقا دربار وکھا دینا

سرکار دی محفل وچ جھولی ہاں وچھا بیٹھے
لج رکھ لویں لج پالا. خالی نا اٹھا دینا

خیرات عطا کرنا سرکار دی مرضی اے
میرا تے کم سی اینا جھولی نوں وچھا دینا

صائم دی تمنا اے رہووے آکے مدینے وچ
خواہ طیبہ دے کتیاں دے پیراں چ بٹھا دینا