Site icon ISLAM KI DUNYA

Sarkaar Yeh Naam Tumhara Sab Namoon Say Hai Pyara – Naat Lyrics

Sarkaar Yeh Naam Tumhara Sab Namoon Say Hai Pyara - Naat Lyrics

Sarkaar Yeh Naam Tumhara

Sab Namoon Say Hai Pyara

Naat Lyric in Urdu

Sarkaar Yeh Naam Tumhara Sab Namoon Say Hai Pyara
Iss Naam Say Chamka Sooraj Aur Chamka Chaand Sitara

Hua Her Suu Khoob Ujala Hua Roshan Alam Sara
Mera Naam Keray Ga Roshan Do Jagg Main Naam Tumhara
Jab RAB-e-Qadeer Tumhari Keray Khud hi Midha saraye
Her Ek Kay Laboon Pay Phir To Tareef Tumhari Aye
Sadd Shuker Kay Zikr Tumhara Rahay Her Dam Wird Hamara
Mera Naam Keray Ga Roshan Do Jagg Main Naam Tumhara

Her Waqt Per Hum Nay Dekha Hay Tumhain To Ma’el
Dar-e-Pak Pay Aya Jab Bhi Kesa Hi Koi Sa’el
Ay Rehmat-e-Alam Tum Nay Usay Ker Hi Leya Hay Gawara
Mera Naam Keray Ga Roshan Do Jagg Main Naam Tumhara

Sa’el Hoon Teray Dar Ka Milay Mujh KO Bheek Karam Ki
Rekh Laaj Ay Mere Aqa (salla Llahu ‘alayhi wa sallam) Iss Mere Chashm-e-Naam Ki
Keroon Gumbad-e-Ghazra Ka Phir Ankhoon Say Apni Nazara
Mera Naam Keray Ga Roshan Do Jagg Main Naam Tumhara

Jab Roz-e-Qayamat Her Aik Bolay Ga Nafsi Nafsi
Aur Daad Kisi Ki Day Ga Mehshar Main Jab Na Koi
Aisay Main Ata Ho Mujh Ko Ay Shahfa-e-Hasher Sahara
Mera Naam Keray Ga Roshan Do Jagg Main Naam Tumhara

Lehroon Nay Meri Yeh Khashti Her Janib Say Hay Gayhri
Sarkaar (salla Llahu ‘alayhi wa sallam) Khaber Lo Meri Sarkaar (salla Llahu ‘alayhi wa sallam) khaber Lo Meri
Milay Mujh Ko Afeeyat Ka Mere Aqa(s.a.w) Jald Kinara
Mera Naam Keray Ga Roshan Do Jagg Main Naam Tumhara

Jo Mujh Per Beet Rahi Hay Wo Kiss Ko kesay bataoon
Aur Apnay Dil Ki Hikayat Bhala Kiss Ko Ja Ker Sunaoon
Tum Mehram-e-Raaz Ho Mere Meri DaadRasi Ho Khudara
Mera Naam Keray Ga Roshan Do Jagg Main Naam Tumhara

Meri Arz Khudara Sunn Lo Mere Haal Pay Mujh Ko Na Choro
Zara Apni chashm-e-Inayat BayBass Ki Teraf Bhi Moroo
BayKass Ka Tum Ho Sahara BayCharay Ka Tum Ho Chara
Mera Naam Keray Ga Roshan Do Jagg Main Naam Tumhara

Do Apnay Ishq Ki Dolat Tujhay Apni Aall Ka Sadqa
Yeh Riaz Faqeer Azal Say Tere Dar Ka Hi HAy Shaha
Tere Dast-e-Aata Kay Agay Daaman Hay Iss Nay Pasara
Mera Naam Keray Ga Roshan Do Jagg Main Naam Tumhara

YouTube Poster

 

Read More:

Follow Us:

              

Comments
Exit mobile version