Wo Jis Ke Liye Mehfil e Konain Sajee Hai, Wo Mera Nabi Hai – Naat Lyrics

Wo Jis Ke Liye Mehfil e Konain Sajee Hai,

Wo Mera Nabi Hai – Naat Lyrics

Wo jiske liye Mehfile Konain saji hai
Firdose Bari jiske wasile se bani hai
Wo Hashmi Makki Madaniul Arabi hai
Wo Mera Nabi Mera Nabi Woh Mera Nabi hai

Ahmad hai Muhammad hai waho Khatme Rasul hai
Makhdumo Murabbi hai wahi Wali-e-Kul hai
Us par hi nazar sare zamane ki lagi hai
Wo Mera Nabi Mera Nabi Woh Mera Nabi hai

WasShamso Duha Chehra-e-Anwar ki jalak hai
Wallayl saja gaisu-e-Hazrat ki latat hai
Aalam ko ziya jiske wasile se mili hai
Wo Meraa Nabi Mera Nabi Meraa Nabi hai

Allah ka farman “Alam Nashrah La Ka Sadrak”
Mansub hai jis se “Wa Rafa’na La Ka Zikrak”
Jis zaat ka Quran mein bhi zikre jali hai
Wo Mera Nabi Mera Nabi Mera Nabi hai

Muzzamilo Yaseeno wa  Muddasiro Taha
Kya Kya naye alqabon se Maula ne pukara
Kya Shan hai uski ke jo Ummi Lakabi hai
Wo Mera Nabi Mera Nabi Mera Nabi hai

Wo zaat ke jo Mazhare Laula Kalama hai
Jo Sahibe RafRaf Shabe Me’raj hua hai
Asra mein Imamat jise Nabiyon ki mili hai
Wo Mera Nabi Mera Nabi Mera Nabi hai

Kis darja zamane mein thi mazlumi-e-Aurat
Fir jiske badolat mili ise izzato raf’at
Wo mohsilno gamkhwar hamra hi nabi hai
Wo Mera Nabi Mera Nabi Mera Nabi hai

Wo jiske liye Mehfile Konain saji hai
Firdose Bari jiske wasile se bani hai
Wo Hashmi Makki Madaniul Arabi hai
Wo Mera Nabi Mera Nabi Mera Nabi hai

Read More:

• ARSHE HAQ HAI MUSNADE RIF’AT RASOOLULLAH KI
• DEEWANE JO WI MANGDE NE, SHAH-E-ABRAR DENDE NE LYRICS
• JANNAT MEIN LAY KAY JAEY GHI CHAHAT RASOOL KI LYRICS
• LAB PER NAAT-E-PAK KA NAGHMA KAL BHI THA AUR AAJ BHI HAI

Follow Us: