Naat Lyrics

Mera Payambar Azeemtar Hai – Naat Lyrics – Muzaffar Warsi

Mera Payambar Azeemtar Hai

Naat Lyrics in Urdu

Mera payambar azeemtar hai
Mera payambar azeemtar hai

Kamal-e-khallaq zaat uski
Jahan-e-hasti hayat uski

Bashar nahin azmaten bashar hai
Mera payambar azeemtar haii

Wo sharah-e-ehakam-e-haq t’aala
Wo khud hi qanoon khud hawala

Wo khud hi quran khud hi qari
Wo aap mehtab aap haala

Wo aks bhi aaina bhi wo hai
Wo nukta bhi khat bhi daaera bhi

Wo khud nazara hai khud nazar hai
Mera payambar azeemtar haii

Sha’oor laya kitab laya
Wo hashr tak ka nisab laya

Diya bhi kamil nizam usne
Aur aap hi inqelab laya

Wo ‘ilm ki aur ‘amal ki had bhi
Azal bhi uska hai aur abad bhi

Wo har zamane ka raah-bar hai
Mera payambar azeemtar haii

Wo Aadam-o-Nuh (as) se zyada
Buland himmat buland irada

Wo Zohad ‘Isa (as) se koson aage
Jo sabki manzil wouis ka jadah

Har ek payambar nihan hai usme
Hujoom-e-paighambaran hai usme

Wo jis taraf hai khuda udhar ha
Mera payambar azeemtar haii

Bas ek mashkizah ek chatai
Zara si jau ek charpai

Badan pe kapde bhi wajibi se
Na khush libasi na khush qubai

Yehi hai kul kainaat jiske
Gini na jaye sifaat jiski

Wo hi to sultan-e-bahar-o-bar hai
Mera payambar azeemtar haii

Jo apna daman lahu se bhar le
Museebaten apni jaan par le

Jo tegh zan se lade nihattha
Jo ghalib aakar bhi sulah kar le

Aseer dushman ki chah me bhi
Mukhalifon ki nigah me bhi

Ameen hai sadiq hai motabar hai
Mera payambar azeemtar haii

Jise shah-e-shash jihaat dekhun
Use gharibon ke sath dekhun

Inaan-e-kaun-o-makan jo thame
Kudal par bhi wo hath dekhun

Lage jo mazdoor shah aisa
Na zar na dhan sarbarah aisa

Falak nasheen ka zameen pe gohar hai
Mera payambar azeemtar haii

Wo khalwaton me saf-ba-saf bhi
Wo is taraf bhi wo us taraf bhi

Mohaz-o-minbar thikane uske
Wo sar ba sajdah bhi sar ba daf bhi

Kahin wo moti kahin sitara
Wo jaami’at ka isti’aara

Wo subh-e-tahzeeb ka gohar hai
Mera payambar azeemtar haii

Kamal-e-khallaq zaat uski
Jahan-e-hasti hayat uski

Bashar nahin azmaten bashar hai
Mera payambar azeemtarr hai

Mera payambar azeemtar hai
Mera payambar azeemtar hai

Lyrics Source: naathamd.com

https://www.youtube.com/watch?v=Yx2qBFUVtuA

Read More Naat Lyrics in Urdu:

Related Articles

Leave a Reply

Your email address will not be published. Required fields are marked *

Back to top button
Duas to Increase Rizq & Wealth | Duas for Provision Islamic Duas! Recite this 100 Times a day! Easy Dhikr! 4 Promises that ALLAH Made in Holy Quran! SABR.. Beautiful. Masha’Allah ❤ Beautiful Masjid Al Haram Makkah ❤
Duas to Increase Rizq & Wealth | Duas for Provision 4 Promises that ALLAH Made in Holy Quran! Recite this 100 Times a day! Easy Dhikr! Islamic Duas! Beautiful Masjid Al Haram Makkah ❤ Allahumma innaka `afuwwun tuhibbul `afwa fa`fu `annee