Khuda Ke Fazal Se Hum Par Hai Saya Ghous e Azam Ka

 Manqabat Lyrics

Khuda Ke Fazal Se Hum Par He Saya Ghous E Azam Ka

Humein Dono Jahan Me He Sahara Ghous E Azam Ka

Muhammed Ka Rasoolo Me He Jaise Martaba A’ala

He Afzal Awliya Me Yun Hi Rutba Ghous E Azam Ka

Mureedi La-Takhaf Keh Kar Tasalli Di Ghulamo Ko

Qayamat Tak Rahe Be-Khauf Banda Ghous E Azam Ka

Hamari Laj Kiske Hath He Baghdad Wale Ke

Musibat Tal Dena Kam Kiska Ghous E Azam Ka

Gaye Ek Waqt Me Sattar Mureedo Ke Yaha Hazrat

Samajh Me A Nahi Sakta Muamma Ghous E Azam Ka

Luab Apna Chataya Ahmed E Mukhtar Ne Inko

To Phir Kaise Na Hota Bolbala Ghous E Azam Ka

Azizo Kar Chuko Taiyar Jab Mere Janaze Ko

To Likh Dena Kafan Par Nam E Wala Ghous E Azam Ka

Farishto Rokte Ho Kyu Mujhe Jannat Me Jane Se

Ye Dekho Hath Me Daman He Kiska Ghous E Azam Ka

Lahad Me Jab Farishte Mujhse Poochenge To Keh Dunga

Tariqa Qadri Hu Nam Leva Ghous E Azam Ka

Khudawanda Dua Maqbool Kar Hum Roo Siyaho(n) Ki

Gunahon Ko Hamare Baksh Sadqa Ghous E Azam Ka

Janab Ghous Dulha Aur Barati Auliya Honge

Maza Dikhlayega Mehshar Me Sehra Ghous E Azam Ka

Nida Dega Munadi Hashr Me Yun Qadriyo Ko

Kidhar He Qadri Karle Nazara Ghous E Azam Ka

Mukhalif Kya Kare Mera Ke He Behad Karam Mujh Par

Khuda Ka Rehmatallil A’almeen Ka Ghous E Azam Ka

Farishte Madrasa Tak Sath Pohchane Ko Jate The

Ye Darbar E Ilahi Me He Rutba Ghous E Azam Ka

Salasile Jahan Kyu Gar Na Unke Rob Se Kampe

Na Laya Sher Ko Khatre Me Kutta Ghous E Azam Ka

Jameel E Qadri Sau Jan Ho Qurban Murshid Par

Banaya Jisne Tujh Jaise Ko Banda Ghous E Azam Ka