Aap ﷺ par lakhon darood aur Aapﷺ  par lakhon salaam 

Kya lakiron mein yadullah khat sar-o-aasa likhaa,
Raah yoon is raaz likhne ki nikaali haath mein.

Aap ﷺ par lakhon darood aur Aapﷺ  par lakhon salaam 

Jood shahe Kausar apne pyason ka joya hay aap,
Kya ajab ur kar jo aap aaye piyaali haath mein.

Aap ﷺ par lakhon darood aur Aapﷺ  par lakhon salaam 

Abr nisyaan momino ko taigh uriyaan kufr par,
Jam’a hain shaan-e-jamaali-o-jalaali haath mein.

Aap ﷺ par lakhon darood aur Aapﷺ  par lakhon salaam 

Maalik-e-kaunain hain go pass kuch rakhte nahin,
Do jahan ki nematein hain un key khaali haath mein.

Aap ﷺ par lakhon darood aur Aapﷺ  par lakhon salaam 

Saaya afgan sar pe ho parcham Ilaahi jhoom kar,
Jab liwaul-hamd le ummat ka waali haath mein.

Aap ﷺ par lakhon darood aur Aapﷺ  par lakhon salaam 

Har khate kaf hay yahaan aay dasht-e-baizaaye kaleem,
Mojzan daryaae noor-e-be misaali haath mein.

Aap ﷺ par lakhon darood aur Aapﷺ  par lakhon salaam 

Wo giraan sangi qadr-e-mas wo arzaani jood,
Nauiya badla kiye sang walaali haath mein.

Aap ﷺ par lakhon darood aur Aapﷺ  par lakhon salaam 

Dastageere har do aalam kar diya sibtain ko,
Aay main qurbaan jaan-e-jaan angusht kya lee haath mein.

Aap ﷺ par lakhon darood aur Aapﷺ  par lakhon salaam 

Aah wo aalam key aankhein band aur lab par durood,
Waqf sang-e-dar jabeen rauza ki jaali haath mein.

Aap ﷺ par lakhon darood aur Aapﷺ  par lakhon salaam 

Jis ne bai’at ki bahaar-e-hassan par qurbaan raha,
Hay lakeerein naqsh-e-taskheer-e-jamaali haath mein.

Aap ﷺ par lakhon darood aur Aapﷺ  par lakhon salaam 

Kaash ho jaaun lab-e-Kausar mein yoon waa rafta hosh,
Le kar us jaan-e-karam ka zel aali haath mein.

Aap ﷺ par lakhon darood aur Aapﷺ  par lakhon salaam 

Aankh mehwe jalwa-e-deedaar-e-dil pur josh-e-wajd,
Lab pe shukr-e-bakhshish saaqi pyaali haath mein.

Aap ﷺ par lakhon darood aur Aapﷺ  par lakhon salaam 

Hashr mein kya kya mazey waaraftagi key loon RAZA,
Laut jaaun paa key wo daamane aali haath mein.