Dar-e-Nabi Per Ye Umar Beete, Ho Hum Pe Lutf-e-Dawaam Aisa

Dar-e-Nabi Per Ye Umar Beete, Ho Hum Pe Lutf-e-Dawaam Aisa

Dar-e-nabi per ye umar beete, Ho hum pe lutf-e-Dawaam aisa
Madine wale kahen maqami, Ho un ke dar per qayam aisa

Labon pe naam-e-nabi jab aaya to gurez-paa haadson ko paya
Jo taal deta hai mushkilon ko, Mere nabi ka hai naam aisa

Jo ghamzadon ko gale lagale, Buron ko daman me jo chhupa le
Hai doosra koun is jahan me, Siway ho khair-ul-anaam aisa

Mujh hi ko dekho hun wo be-talab, Nawazte ja Rahe Hain Peham
Na koi mera amal hai aisa, Na koi mera hai kaam aisa

Bilal tujh per nisaar jaaun, Ke khud nabi ne tujhe kharida
Naseeb ho to naseeb aisa, Ghulam ho to ghulam aisa

Namaz aqsa me jb padhai, To ambiya aur rusul ye bole
Namaz ho to namaz aisi, Imam ho to imam aisa

Main khalid apne nabi pe qurban, Hai jinka khulq-e-azeem quran
Hai roshni jis ki do jahan me, Kahin hai mah-e-tamam aisa

Dar-e-nabi per ye umar beete, Ho hum pe lutf-e-Dawaam aisa
Madine wale kahen maqami, Ho un ke dar per qayam aisa

Read More:

• EK MAIN HI NAHI UN PAR QURBAN ZAMANA HAI
• HAAL E DIL KIS KO SUNAIN AAP KE HOTAY HUYE
• HUM FAQIROON KO MADINE KI GALLI ACHI LAGI LYRICS
• JANNAT MEIN LAY KAY JAEY GHI CHAHAT RASOOL KI LYRICS