Be-Misl Hai Konain Mein Sarkar Ka Chehra

Kalam-e-Pir Naseer-ud-Din Naseer R.a

Be-Misl hai Konain mein Sarkar ka Chehra
Aayina-e-Haq hai Shahe Abrar ka Chehra

Dekhein to dua mange yahi Yusufe Qin’aa
Takta rahu Khalik Tere Shahkar ka Chehra

Aayina-e-Haq hai Shahe Abrar ka Chehra

Aye Mutallibi phool Baharon ke Payambar
Khilta hai Tere Naam se Gulzar ka Chehra

Aayina-e-Haq hai Shahe Abrar ka Chehra

Khurshide Halima Teri Mushtaq hein ankhein
Bhata nahin ab Maah ziyawar ka Chehra

Aayina-e-Haq hai Shahe Abrar ka Chehra

Aye Khuld karunga Tera didar bhi lekin
Is dam hai nazar mein Tere Mukhtar ka Chehra

Aayina-e-Haq hai Shahe Abrar ka Chehra

WasShams ki ye wa we kasam kehti hai mud kar
Be-dag raha Shah ke kirdar ka Chehra

Aayina-e-Haq hai Shahe Abrar ka Chehra

Jalwon se ho ma’moor na kyun dil ka Madina
Aankhon mein hai us Matla-e-Anwar ka Chehra

Aayina-e-Haq hai Shahe Abrar ka Chehra

Dorane Shafa’at wo Sukun baksh dilase
Be-fikr nadamat hai gunahgar ka Chehra

Aayina-e-Haq hai Shahe Abrar ka Chehra

Puchha jo ye Saeel ne ke kya chiz hai Ahsan
Siddiq ne barjasta kaha Yaar ka Chehra

Aayina-e-Haq hai Shahe Abrar ka Chehra

Jabke jo Naseer aankh dame naz’ato Ya Rabb
Putli mein fire Ahmade Mukhtar ka Chehra

Read More Naat Lyrics in Urdu:

• DAR-E-NABI PER YE UMAR BEETE, HO HUM PE LUTF-E-DAWAAM AISA
• HAMMAIN APNA WOH (SALLA’LAHU ALAYHI WA SALLAM) KEHTEY HAIN
• INNIL TIYA REE HASSABA YOUMUN ILAA ARDIL HARAM – URDU/ARABIC & ENGLISH
• KOI SALEEQA HAI AARZOO KA NA BANDAGI MERI BANDAGI HAI

Follow Us: