Aseero Ke Mushkil Kusha Ghaus e Azam – Manqabat Lyrics in Urdu
Aseero Ke Mushkil Kusha Ghaus e Azam
Faqeeron Ke Haajat Rawaa Ghaus e Azam
Ghira Hai Balaaoñ Meiñ Bandaa Tumhara
Madad Ke Liye Aao Ya Ghaus e Azam
Tere Haath Meiñ Haath Maine Diya Hai
Tere Haath Hai Laaj Ya Ghaus e Azam
Mureedoñ Ko Khatra Nahiñ Behre Gam Se
Ke Bede Ke Haiñ Naakhuda Ghaus e Azam
Tumheeñ Dukh Suno Apne Aafat Zadoñ Ka
Tumheeñ Dard Ki Do Dawa Ghaus e Azam
Bhañwar Meiñ Phansa Hai Hamara Safeena
Bachaa Gaus E Aazam Bachaa Ghaus e Azam
Jo Dukh Bhar Rahaa Hooñ Jo Gam Seh Rahaa Hooñ
Kahooñ Kis Se Tere Siwa Ghaus e Azam
Zamaane Ke Dukh Dard Ki Ranj O Gam Ki
Tere Haath Meiñ Hai Dawaa Ghaus e Azam
Agar Sultanat Ki Hawas Ho Faqeeroñ
Kaho “Shai Al Lillah” Ya Ghaus e Azam
Nikaala Hai Pehle Tho Doobe Huwoñ Ko
Aur Ab Doobtoñ Ko Bacha Ghaus e Azam
Jise Khalq Kehti Hai Pyaara Khuda Ka
Usi Ka Hai Thu Laadla Ghaus e Azam
Phañsa Hai Tabaahi Meiñ Beda Hamaara
Sahara Lagaa Dhu Zara Ghaus e Azam
Mashaaikh Jahaañ Aaye Bahr E Gadaai
Wo Hai Teri Daulat Saraa Ghaus e Azam
Meri Mushkiloñ Ko Bhi Aasan Kijiye
Ke Haiñ Aap Mushkil Kusha Ghaus e Azam
Wahaañ Sar Jhukaate Haiñ Sab Uñche Uñche
Jahaañ Hai Tera Naqsh E Paa Ghaus e Azam
Qasam Hai Ke Mushkil Ko Mushkil Na Paaya
Kaha Hum Ne Jis Waqt Yaa Ghaus e Azam
Muje Apni Ulfat Meiñ Aisaa Guma De
Na Paaoñ Phir Apna Pataa Ghaus e Azam
Bachaale Gulaamoñ Ko Majbooriyoñ Se
Ke Tu Abd E Qaadir Hai Yaa Ghaus e Azam
Kahe Kis Se Jaakar HASSAN Apne Dil Ki
Suney Kaun Tere Siwaa Ghaus e Azam
Aseero Ke Mushkil Kusha Ghaus e Azam
https://www.youtube.com/watch?v=BOlC5lAvoDY
More Naat Lyrics
