Aaqa Ka Milad Aaya

Salla ‘Alayka Ya Rasool’Allah
Wa’sallam ‘Alayka Ya Habib’Allah

Salla ‘Alayka Ya Rasool’Allah

Charoon Taraf Noor Chahya Aaqa Ka Milad Aaya
Khushiyon Ka Pegham Laya Aaqa Ka Milad Aaya

Shams-O-Qamar Aur Taaray Kyun Na Ho Khush Aaj Saaray
Unse Hee Tou Noor Paaya Aaqa Ka Milad Aaya

Salla ‘Alayka ya Rasool’Allah
Wa’sallam ‘Alayka Ya Habib’Allah

Khushiyan Manatay Hain Wohi Dhoomein Machatay Hain Wohi
Jinn Per Hua Unka Saaya Aaqa Ka Milad Aaya

Hai Shaad Har Ek Musalmaan Karta Hai Ghar Ghar Charaghaan
Galiyun Ko Bhi Jagmagaya Aaqa Ka Milad Aaya

Salla ‘Alayka ya Rasool Allah
Wa’sallam ‘Alayka Ya Habib’Allah

Mukhtar-e-Kul Maanay Jou Unhe Noori Bashar Jaanay Jou Unhe
Na’ara Ussi Ne Lagaya Aaqa Ka Milad Aaya

Jou Aaj Mehfil Mein Aaye Mun Ki Muradein Woh Paaye
Sab Par Karam Ho Khudaya Aaqa Ka Milad Aaya

Salla ‘Alayka ya Rasool Allah
Wa’sallam ‘Alayka Ya Habib’Allah

Ghous Ul Wara Aur Data Ne Mere Raza Aur Khuwaja Ne
Sab Ne Hee Din Ye Manaya Aaqa Ka Milad Aaya

Na’at-e-Nabi Tum Sunao Ishq-e-Nabi Ko Barhao
Hum Ko Raza Ne Sikhaya Aaqa Ka Milad Aaya

Jiss Ko Shajar Jaantay Hain Kehna Hajar Maantay Hain
Aisa Nabi Hum Ne Paaya Aaqa Ka Milad Aaya

Salla ‘Alayka ya Rasool Allah
Wa’sallam ‘Alayka Ya Habib’Allah

Dil Jagmaganay Lagay Hain Sab Muskaranay Lagay Hain
Ik Kaif Sa Aaj Chahya Aaqa Ka Milad Aaya

Kar Ae Ubaid Unki Midhat Tujh Per Khuda Ki Ho Rehmat
Tu Ne Muqqadar Ye Paaya Aaqa Ka Milad Aaya

Charoon Taraf Noor Chahya Aaqa Ka Milad Aaya
Khushiyon Ka Pegham Laya Aaqa Ka Milad Aaya

Salla ‘Alayka ya Rasool’Allah
Wa’sallam ‘Alayka Ya Habib’Allah

Read More Lyrics:

• Nigah-e-Lutf Ke Ummidwar Ham Bhi Hain
• Ya Nabi Nazre Karam Farmana, Aye Hasnain ke Nana
• Noor Wala Aya Hai Noor Lay kar Aya Hai Lyrics
• Ab Tou Bas Aik Hi Dhun Hai, Ke Madina Dekhon Lyrics
• SUBSCRIBE YOUTUBE CHANNEL