پنجابی صوفی شاعریمیاں محمد بخش

کلام میاں محمد بخش – ہک دن کرن شکار شکاری باری اند ر آیا

ہک دن کرن شکار شکاری باری اندر آیا

کلام میاں محمد بخش

ہک دن کرن شکار شکاری باری اندر آیا
آ درخت گھنے دی چھاویں اُس نے ڈیرہ لایا​

نالے بز ہوایوں اُڈدا آ بیٹھا اُس رکھ تے!
طمعہ لوڑے ماس نہ چھوڑے آیا ظالم بھکھ تے ​

ہیٹھ شکاری باز اُتے سی وچ بیٹھی اِک کُگھی
دُشمن ویکھ کہے اج مین وی چوگ اجل دی چگی​

ہیٹھوں شست شکاری جوڑے تیر کُگھی نوں لاواں
اُتوں باز تکے جے اُڈے تے پکڑ شتابی کھاواں ​

کُگھی جدوں اونہاں ول ڈٹھا کردی فکر گھنیرا
کہندی ربا کیوں کر رکھسیں بچن نہیں ہُن میرا​

تیر لگن وچ دیر نہ کوئی ، کجھ تدبیر نہ چلدی
آہی گھڑی ازل دی ایہو وچہ تقدیر ازل دی ​

جاں رب رکھن اُتے آیا کی سبب بنایا
کُگھی ول شکاری تکدا شست دھیاں بھڑایا​

پچھوں ناگ چلائے اس نوں دند آلود زہر دے
تیر چھٹا اوہ لگا بازے دونویں دشمن مردے ​

کُگھی بیٹھی رہی اُتھائیں ،چنگی بھلی نروئی
مارن والے موئے محمدقدرت رب دی ہوئی​

Related Articles

Leave a Reply

Your email address will not be published. Required fields are marked *

Back to top button
Duas to Increase Rizq & Wealth | Duas for Provision Islamic Duas! Recite this 100 Times a day! Easy Dhikr! 4 Promises that ALLAH Made in Holy Quran! SABR.. Beautiful. Masha’Allah ❤ Beautiful Masjid Al Haram Makkah ❤
Duas to Increase Rizq & Wealth | Duas for Provision 4 Promises that ALLAH Made in Holy Quran! Recite this 100 Times a day! Easy Dhikr! Islamic Duas! Beautiful Masjid Al Haram Makkah ❤ Allahumma innaka `afuwwun tuhibbul `afwa fa`fu `annee