اُرْدُو نعت لیرکساعلیٰ حضرت امام احمد رضا خان

محمد مظہر کامل ہے حق کی شان عزت کا

نعت رسول کریم صلی اللہ علیہ وآلہ وسلم – محمد مظہر کامل ہے حق کی شان عزت کا

MUHAMMAD MAZHAR E KAAMIL HAIN HAQ KI SHAAN E IZZAT KA

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

محمد مظہر کامل ہے حق کی شان عزت کا

نظر آتا ہے اس کثرت میں کچھ انداز وحدت کا

یہی ہے اصل عالم مادہ ایجاد خلقت کا

یہاں وحدت میں برپا ہے عجب ہنگامہ کثرت کا

گدا بھی منتظر ہے خلد میں نیکوں کی دعوت کا

خدا دن خیر سے لائے سخی کے گھر ضیافت کا

گنہ مغفور، دل روشن، خنک آنکھیں، جگر ٹھنڈا

تعالیٰ اللہ ماہ طیبہ عالم تیری طلعت کا

نہ رکھی گل کے جوش حسن نے گلشن میں جا باقی

چٹکتا پھر کہاں غنچہ کوئی باغ رسالت کا

بڑھا یہ سلسلہ رحمت کا دور زلف والا میں

تسلسل کالے کوسوں رہ گیا عصیاں کی ظلمت کا

صف ماتم اٹھے خالی ہو زنداں ٹوٹیں زنجیریں

گنہگارو! چلو موالیٰ نے در کھولا ہے جنت کا

سکھایا ہے یہ کس گستاخ نے آئینہ کو یا رب

نظارہ روئے جاناں کا بہانہ کر کے حیرت کا

ادھر امت کی حسرت پر ادھر خالق کی رحمت پر

نرالا طور ہو گا گردش چشم شفاعت کا

بڑھیں اس درجہ موجیں کثرتِ افضال والا کی

کنارہ مل گیا اس نہر سے دریائے وحدت کا

خمِ زلفِ نبی ساجد ہے محراب دو ابرو میں

کہ یا رب تو ہی والی ہے سیہ کاران امت کا

مدد اے جوشش گریہ بہا دے کوہ اور صحرا

نظر آ جائے جلوہ بے حجاب اس پاک تربت کا

ہوئے کم خوابی، ہجراں میں ساتوں پردے کم خوابی

تصور خوب باندھا اانکھوں نے استار تربت کا

یقیں ہے وقت جلوہ لغزشیں پائے نگہ پائے

ملے جوش صفائے جسم سے پا بوس حضرت کا

یہاں چھڑکا نکم واں مرھم کافور ہاتھ اایا

دلِ زخمی نکم پروردہ ہے کس کی ملاحت ہے

الٰہی منتظر ہوں وہ خرام ناز فرمائیں

بچھا رکھا ہے فرش اانکھوں نے کمخواب بصارت کا

نہ ہو آقا کو سجدہ آدم و یوسف کو سجدہ ہو

مگر سد ذرائع داب ہے اپنی شریعت کا

زبان خار کس کس درد سے ان کو سناتی ہے

تڑپنا دشت طیبہ میں جفر افگار فرقت کا

سرھانے ان کے بسمل کے یہ بیتابی کا ماتم ہے

شہ کوثر ترحم تشنہ جاتا ہے زیارت کا

جنہیں مرقد میں تا حشر امتی کہہ کر پکارو گے

ہمیں بھی یاد کر لو ان میں صدقہ اپنی رحمت کا

وہ چمکیں بجلیاں یا رب تجلیہائے جاناں سے

کہ چشم طور کا سرمہ ہو دل مشتاق رویت کا

رضائے خستہ جوشِ بحرِ عصیاں سے ہے گھبرانا

کبھی تو ہاتھ آ جائے گا دامن ان کی رحمت کا

https://www.youtube.com/watch?v=Vk1rsGplc6o

بے خُود کِیے دیتے ہیں اَندازِ حِجَابَانَہ

پھر کے گلی گلی تباہ ٹھوکریں سب کی کھائے کیوں

پیغام صبا لائی ہے گلزار نبی سے

تو ہے وہ غوث کہ ہر غوث ہے شیدا تیرا

Related Articles

Leave a Reply

Your email address will not be published. Required fields are marked *

Back to top button
Duas to Increase Rizq & Wealth | Duas for Provision Islamic Duas! Recite this 100 Times a day! Easy Dhikr! 4 Promises that ALLAH Made in Holy Quran! SABR.. Beautiful. Masha’Allah ❤ Beautiful Masjid Al Haram Makkah ❤
Duas to Increase Rizq & Wealth | Duas for Provision 4 Promises that ALLAH Made in Holy Quran! Recite this 100 Times a day! Easy Dhikr! Islamic Duas! Beautiful Masjid Al Haram Makkah ❤ Allahumma innaka `afuwwun tuhibbul `afwa fa`fu `annee