پنجابی صوفی شاعریمیاں محمد بخش

رحمت دا مینہ پا خدایا – Rehmat Da Meen Pa Khudaya – Mian Muhammad Bakhsh

رحمت دا مینہ پا خدایا باغ سُکا کر ہریا – میاں محمد بخش

rehmat da meen pa khudaya baagh saka kar Harya – Mian Muhammad Bakhsh

رحمت دا مینہ پا خدایا باغ سُکا کر ہریا
بوٹا آس اُمید میری دا کردے میوہ بھریا

مٹھا میوہ بخش اجیہا قدرت دی گھت شِیری
جو کھاوے روگ اس دا جاوے دُور ہووے دلگیری

سدا بہار دئیں اس باغے کدے خزاں نہ آوے
ہوون فیض ہزاراں تائیں ہر بھُکھا پھل کھاوے

بال چراغ عشق دا میرا روشن کردے سینہ
دل دے دیوے دی رُشنائی جاوے وچ زمیناں

نعمت اپنی وی کجھ مینوں بخش شناساں پاواں
ہمت دے دِلے نوں تیرا شکر بجا لیاواں

لاہ ہنیرا جہل برُے دا چانن لا عقل دا
بخش ولایت شعر سخن دی یُمن رہے وچ رلدا

اوّل دے دل جس وچ ہوون سچے سُخن خزانے
لعل جواہر کڈھ کڈھ دیوے قُوّت بخش زبانے

طبع میری دانافہ کھولیں مُلکیں مشک دُھمائیں
سُن سُن مغز معطر ہوون بو عشق دی پائیں

سخن میرے دی شکروں ہوون مٹِھے منہ قلم دے
شعر میرے دے عطروں کاغذ لاوے خال رقم دے

بوہٹی نویں کتاب میری دی جوبن بخش سنگاریں
پاک نظر دے ویکھن والے ندی عشق دی تاریں

جے کوئی میلی اکھیں ویکھے عیب دھگانے لاوے
اوہ بھی عدل تیرے دے گھر تھیں کجھ سزائیں پاوے

مر مر ہِک بناون شیشہ مار وٹّا اِک بھندے
دنیا اُتے تھوڑے رہندے قدر شناس سخن دے

اوّل تے کجھ شوق نہ کسے کون سخن اج سُندا؟
جے سُنسی تاں قصہ اُتلا کوئی نہ رمزاں پُندا

لدگئے اوہ یار پیارے سخن شناس ہمارے
سخن صراف محمدبخشا لعلاں دے بنجارے

مجلس بَہ بَہ گئے سیانے کر کر ہوش سنبھالے
ہک دؤئے سنگ ورتی الفت جیوں بھلیاں دے چالے

rehmat da meen pa khudaya baagh saka kar Harya
butta aas umeed meri da kardey mewa bhrya

mittha mewa bakhash jeya qudrat di ght Shery
jo khawey rog is da jaave door huvay dilgeeri

sada bahhar dain ess baaghe kadde khizaan nah aawe
Howan Faiz hazaaraan tain harb pukha phal khaway

baal chairag ishhq da mera roshan kardey seenah
dil day dyoe di rushnai jaave vich zaminan

Nemat apni v kjh mennu bakhash shanasan pawan 
himmat day dile nun tera shukar baja liyawan

lah hanera jehal buray da Chanan laa aqal da
bakhash Wilayat shair sukhan di Yemen rahay vich rulda

awal day dil jis vich howan sachey Sukhan khazanay
Laal javaahir kudh kudh  deway quvaat bakhash zubanay

taba meri danafa kholeen mulkeen mushkdhumain
sun sun maghaz muattar howan bo ishhq di payen

sukhan mere di shukron Mathy mun qalam day
shair mere day atron  kaghaz lave khhaal raqam day

bohti naveen kitaab meri di joban bakhash sangarin
pak nazar day vekhan walay nadi ishhq di taren

jay koi meli akhin vekhy aib dhagany  laway
oh bhi Adal tairay day ghar theen kjh sazayen paave

mar mar hook bnawan sheesha maar vta ik bhandy 
duniya utten thoray rehndy qader shanaas sukhan day

awal taay kjh shoq nah kisay kon sukhan aj subda?
jay sansi tan qissa utla koi nah ramzan painda

lad gaye oh yaar pyare sukhan shanaas hamaray
sukhan Saraf Muhammad bakhsha laal day banjaray

majlis bah bah gaye sayaanay kar kar hosh sambhale
hook huk sang voetry ulfat jiyun bhuliyan day chaaly

Related Articles

Leave a Reply

Your email address will not be published. Required fields are marked *

Back to top button
Duas to Increase Rizq & Wealth | Duas for Provision Islamic Duas! Recite this 100 Times a day! Easy Dhikr! 4 Promises that ALLAH Made in Holy Quran! SABR.. Beautiful. Masha’Allah ❤ Beautiful Masjid Al Haram Makkah ❤
Duas to Increase Rizq & Wealth | Duas for Provision 4 Promises that ALLAH Made in Holy Quran! Recite this 100 Times a day! Easy Dhikr! Islamic Duas! Beautiful Masjid Al Haram Makkah ❤ Allahumma innaka `afuwwun tuhibbul `afwa fa`fu `annee