Manqabatاعلیٰ حضرت امام احمد رضا خان

تو ہے وہ غوث کہ ہر غوث ہے شیدا تیرا

تو ہے وہ غوث کہ ہر غوث ہے شیدا تیرا

Tu Hai Woh Ghous Keh Har Ghous Hai Shaida Tera – Manqabat 

 

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

 

تو ہے وہ غوث کہ ہر غوث ہے شیدا تیرا

تو ہے وہ غیث کہ ہر غیث ہے پیاسا تیرا

 

سورج اگلوں کے چمکتے تھے چمک کر ڈوبے

افقِ نور پہ ہے مہر ہمیشہ تیرا

 

مرغ سب بولتے ہیں بول کے چپ رہتے ہین

ہاں اصیل ایک نوا سنج رہے گا تیرا

 

جو ولی قبل تھے یا بعد ہوئے یا ہوں گے

سب ادب رکھتے ہیں دل میں مرے آقا تیرا

 

بقسم کہتے ہیں شاہان صریفین و حریم

کہ ہوا ہے نہ ولی ہو کوئی ہمتا تیرا

 

تجھ سے اور دہر کے اقطاب سے نسبت کیسی

قطب خود کون ہے خادم ترا چیلا تیرا

 

سارے اقطاب جہاں کرتے ہیں کعبہ کا طواف

کعبہ کرتا ہے طواف در والا تیرا

 

اور پروانے ہیں جو ہوتے ہیں کعبہ پہ نثار

شمع اک تو‘ ہے کہ پروانہ ہے کعبہ تیرا

 

شجرِ سرو کہی کس کے اگائے تیرے

معرفت پھول سہی کس کا کھلایا تیرا

 

تو ہے نوشاہ براتی ہے یہ سارا گلزار

لائی ہے فصل سمن گوندھ کے سہرا تیرا

 

ڈالیاں جھومتی ہیں رقص خوشی جوش پہ ہے

بلبلیں جھولتی ہیں گاتی ہیں سہرا تیرا

 

گیت کلیوں کی چٹک غزلیں ہزاروں ک چہک

باغ کے سازوں میں بجتا ہے ترانا تیرا

 

صف ہر شجرہ مین ہوتی ہے سلامی تیری

شاخیں جھک جھک کے بجا لاتی ہیں مجرا تیرا

 

کس گلستاں کو نہیں فصلِ بہاری سے نیاز

کون سے سلسلہ میں فیض نہ آیا تیرا

 

نہیں کس چاند کی منزل میں ترا جلوہ نور

نہیں کس آئینہ کے گھر میں اجالا تیرا

 

راج کس شہر میں کرتے نہیں تیرے خدام

باج کس نہر سے لیتا نہیں دریا تیرا

 

مزرعِ چشت و بخارا و عراق و اجمیر

کون سی کشت پہ برسا نہیں جھالا تیرا

 

اور محبوب ہیں ہاں پر سبھی یکساں تو نہیں

یوں تو محبوب ہے ہر چاہنے والا تیرا

 

اس کو سو فرد سراپا بفراغت اوڑھیں

تنگ ہو کر جو اترنے کو ہو نیما تیرا

 

گردنیں جھک گئیں سر بچھ گئے دل لوٹ گئے

کشفِ ساق آج کہاں یہ تو قدم تھا تیرا

 

تاج فرق عرفا کس کے قدم کو کہیے

سر جسے باج دیں وہ پاﺅں ہے کس کا تیرا

 

سکر کے جوش مین جو ہیں وہ تجھے کیا جانیں

خضر کے ہوش سے پوچھے کوئی رتبہ تیرا

 

آدمی اپنے ہی احوال پہ کرتا ہے قیاس

نشے والوں نے بھلا سکر نکالا تیرا

 

وہ تو چھوٹا ہی کہا چاہیں کہ ہیں زیر حضیض

اور ہر اوج سے اونچا ہے ستارہ تیرا

 

دل اعدا کو رضا تیز نمک کی دُھن ہے

اک ذرا اور چھڑکتا رہے خامہ تیرا

 

شاعر: احمد رضا خان بریلوی

TU HAY WOH GHAUS KEY HAR GHAUS HAY SHAIDA TERA ( MANQABAT)

 

اب تو بس ایک ہی دُھن ہے کہ مدینہ دیکھوں

پھر کے گلی گلی تباہ ٹھوکریں سب کی کھائے کیوں

مدینےکا سفر ہے اور میں نم دیدہ نم دیدہ

اُرْدُو نعت لیرکس

Related Articles

Leave a Reply

Your email address will not be published. Required fields are marked *

Back to top button
Duas to Increase Rizq & Wealth | Duas for Provision Islamic Duas! Recite this 100 Times a day! Easy Dhikr! 4 Promises that ALLAH Made in Holy Quran! SABR.. Beautiful. Masha’Allah ❤ Beautiful Masjid Al Haram Makkah ❤
Duas to Increase Rizq & Wealth | Duas for Provision 4 Promises that ALLAH Made in Holy Quran! Recite this 100 Times a day! Easy Dhikr! Islamic Duas! Beautiful Masjid Al Haram Makkah ❤ Allahumma innaka `afuwwun tuhibbul `afwa fa`fu `annee