Site icon ISLAM KI DUNYA

لطف ان کا عام ہو ہی جائے گا

LUTF UNKA AAM HO HI JAYEGA

اُرْدُو نعت لیرکس – لطف ان کا عام ہو ہی جائے گا

LUTF UNKA AAM HO HI JAYEGA

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

لطف ان کا عام ہو ہی جائے گا

شاد ہر ناکام ہو ہی جائے گا

جان دے دو وعدہ ءِ دیدار پر

نقد اپنا دام ہو ہی جائے گا

شاد ہے فردوس یعنی ایک دن

قسمت خدام ہو ہی جائے گا

یاد رہ جائیں گی یہ بے باکیاں

نفس تو تو رام ہو ہی جائے گا

بے نشانوں کا نشاں مٹتا نہیں

مٹتے مٹتے نام ہو ہی جائے گا

یاد گیسو ذکر حق ہے آہ کر

دل میں پیدا لام ہو ہی جائے گا

ایک دن آواز بدلیں گے یہ ساز

چہچہا کہرام ہو ہی جائے گا

سائلو! دامن سخی کا تھام لو

کچھ نہ کچھ انعام ہو ہی جائے گا

یاد ابرو کر کے تڑپو بلبلو!

ٹکڑے ٹکڑے دام ہو ہی جائے گا

مفلسو ان کی گلی میں جا پڑو

باغ خلد اکرام ہو ہی جائے گا

گر یونہی رحمت کی تاویلیں رہیں

مدح ہر الزام ہو ہی جائے گا

بادہ خواری کا سماں بندھنے تو دو

شیخ دُرد آشام ہو ہی جائے گا

غم تو ان کو بھول کر لپٹا ہے یوں

جیسے اپنا کام ہو ہی جائے گا

مٹ کہ گر یونہی رہا قرض حیات

جان کا نیلام ہو ہی جائے گا

عاقلو! ان کی نظر سیدھی رہے

بوروں کا بھی کام ہو ہی جائے گا

اب تو لائی ہے شفاعت عفو پر

بڑھتے بڑھتے عام ہو ہی جائے گا

اے رضا ہر کام کا اک وقت ہے

دل کو بھی آرام ہو ہی جائے گا

Lutf Unka Aam Ho Hi Jaye Ga || Owais Raza Qadri || 2019

قربان میں اُن کی بخشش کے مقصد بھی زباں پر آیا نہیں

وہی رب ہے جس نے تجھ کو ہمہ تن کرم بنایا

عرشِ حق ہے مسندِ رفعت رسولُ اللہ کی

(لَم یَاتِ نَظیرُکَ فِی نَظَر مثل تو نہ شد پیدا جانا (مع ترجمہ

Subscribe to our Youtube Channel

Comments
Exit mobile version