Site icon ISLAM KI DUNYA

سر سوئے روضہ جھکا پھر تجھ کو کیا

سر سوئے روضہ جھکا پھر تجھ کو کیا

نعتِ رسولِ کریم صلی اللہ علیہ وآلہ وسلم – سر سوئے روضہ جھکا پھر تجھ کو کیا

SAR SUE ROUZA JHUKA PHIR TUJHKO KYA – NAAT LYRICS IN URDU

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

سر سوئے روضہ جھکا پھر تجھ کو کیا

دل تھا ساجد نجدیا پھر تجھ کو کیا

بیٹھتے اٹھتے مدد کے واسطے

یارسول اللہ کہا پھر تجھ کو کیا

یا غرض سے چھُٹ کے محض ذکر کو

نام پاک اُن کا جپا پھر تجھ کو کیا

بے خودی میں سجدۂ دریا طواف

جو کیا اچھا کیا پھر تجھ کو کیا

ان کو تملیک ملیک الملک سے

مالکِ عالم کہا پھر تجھ کو کیا

دشتِ گردو پیش طیبہ کا ادب

مکہ ساتھا یا سوا پھر تجھ کو کیا

ان کے نام پاک پر دل جان و مال

نجدیا سب تج دیا پھر تجھ کو کیا

یٰعبادی کہہ کے ہم کو شاہ نے

اپنا بندہ کرلیا پھر تجھ کو کیا

دیو کے بندوں سے کب ہے یہ خطاب

تو نہ اُن کا ہے نہ تھا پھر تجھ کو کیا

لَایَعُوْ دُوْن آگے ہوگا بھی نہیں

تو الگ ہے دائما پھر تجھ کو کیا

دیو تجھ سے خوش ہے پھر ہم کیا کریں

ہم سے راضی ہےخُدا پھر تجھ کو کیا

دیو کے بندوں سے ہم کو کیا غرض

ہم ہیں عبد مصطفیٰ پھر تجھ کو کیا

تیری دوزخ سے تو کچھ چھینا نہیں

خلد میں پہنچا رضؔا پھر تجھ کو کیا

https://www.youtube.com/watch?v=fQYzsyhclqE

اُرْدُو نعت لیرکس

اب تو بس ایک ہی دُھن ہے کہ مدینہ دیکھوں

اب میری نگاہوں میں جچتا نہیں کوئی

احادیث کی روشنی میں | فتنے اور علامات قیامت

الٰہی تیری چوکھٹ پر بھکاری بن کے آیا ہوں

Comments
Exit mobile version