پنجابی صوفی شاعریمیاں محمد بخش

ساتھی کون محمّدؔ بخشا دَرد ونڈے غمخواراں | Sathi Kon Muhammad Bakhsha

ساتھی کون محمّدؔ بخشا دَرد ونڈے غمخواراں

Saathi Kon Muhammad Bakhsha – Mian Muhammad Bakhsh (Lyrics)

 

پاسے پاسے چلَی جوانی ، پاس نہ سدیا یاراں
ساتھی کون محمّدؔ بخشا دَرد ونڈے غمخواراں

مان نہ کرئیو رُوپ گھنے دا وارث کون حُسن دا
سَدا نہ رہن شاخاں ہَریاں ، سَدا نہ پھُل چمن دا

سَدا نہ رَسد بزاریں وَکسّی سَدا نہ رَونق شہراں
سَدا نہ موج جوانی والی ، سَدا نہ ندیاں نہراں

سَدا نہ تابش سُورج والی ، جیویں کر وقت دوپہراں
بے وفائی رسم محّؔمد ، سَدا ایہو وچہ دہراں

سدا نہ لاٹ چراغاں والی ، سَدا نہ سوز پتنگاں
سَدا اڈاراں ، نال قطاراں ، رہسن کدن کُلنگاں

سدا نہیں ہتھ مہندی رَتّے سدا نہ چھنکن ونگاں
سدا نہ چھوپے پا مُحّؔمد ، رل مِل بہناں سنگاں

سَدا نہیں مُرغابیاں بہناں ، سَدا نہیں سَر پانی
سَدا نہ سئیاں سیس گُندا ون سَدا نہ سُرخی لالی

لکھ ہزار بہار حُسن دی خاکو و چہ سمانی
لاء پریت محمّؔد ، جس تھیں جگ وچہ رہے کہانی

مگر شکاری کرے تیاری، بار چریندیاں ہَرناں
جو چڑھیا اُس ڈھیناں اوڑک، جو جمیا اُس مرناں

سَدا نہ باغیں بُلبُل بولے ، سَدا نہ باغ بہاراں
سدا نہ ماپے ،حُسن جوانی ، سدا نہ صحبت یاراں

لوئی لوئی بھَر لے کُڑئے جے تُوں بھانڈا بھرناں
شام پئی بِن شام محّؔمد گھر جاندی نے ڈرناں​

 
 

Related Articles

Leave a Reply

Your email address will not be published. Required fields are marked *

Back to top button
Duas to Increase Rizq & Wealth | Duas for Provision Islamic Duas! Recite this 100 Times a day! Easy Dhikr! 4 Promises that ALLAH Made in Holy Quran! SABR.. Beautiful. Masha’Allah ❤ Beautiful Masjid Al Haram Makkah ❤
Duas to Increase Rizq & Wealth | Duas for Provision 4 Promises that ALLAH Made in Holy Quran! Recite this 100 Times a day! Easy Dhikr! Islamic Duas! Beautiful Masjid Al Haram Makkah ❤ Allahumma innaka `afuwwun tuhibbul `afwa fa`fu `annee