اے عشقِ نبی میرے دل میں بھی سما جانا 

اے عشقِ نبی میرے دل میں بھی سما جانا 

AEY ISHQ-E-NABI MERAY DIL MEIN BHI SAMAA JAANA

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اے عشقِ نبی میرے دل میں بھی سما جانا 
مجھ کوبھی محمدﷺ کا دیوانہ بنا جانا

جس خواب میں ہو جائے دیدارِ نبیﷺ حاصل
اے عشق کبھی مجھ کو نیند ایسی سُلا جانا

ہر خواہشِ نفس میری اک بت ہے میرے دل کا
بت خانئہ دل میرا کعبہ سا بنا جانا

جو رنگ کہ جامی پر رومی پر چڑھایا تھا
اس رنگ کی کچھ رنگت مجھ پہ بھی چڑھا جانا

خرقانی و بسطامی منصور نے جو پی تھی
اک قطرہ اسی مے کا مجھ کو بھی پلا جانا

قدرت کی نگاہیں بھی جس چہرے کو تکتی تھیں
اس چہرہء انور کا دیدار کرا جانا

دیدارِ محمدﷺ کی حسرت تو رہے باقی
جز اس کے ہر اک حسرت اس دل سے مٹا جانا

دنیا سے ریاضؔ ہو جب عقبیٰ کی طرف جانا
داغِ غمِ احمد سے سینے کو سجا جانا

اے کاش ریاضؔ آئے مژدہ یہ مدینے سے
سرکارﷺ بلاتے ہیں اک نعت سنا جانا

اے عشقِ نبی میرے دل میں بھی سما جانا 
مجھ کوبھی محمدﷺ کا دیوانہ بنا جانا

اے صبا مصطفٰی سے کہہ دینا غم کے مارے سلام کہتے ہیں

اب تو بس ایک ہی دُھن ہے کہ مدینہ دیکھوں

رسول اللہ صلی اللہ علیہ وسلم کا عظیم معجزہ