Site icon ISLAM KI DUNYA

اے ختمِ رسل خاصۂ خاصانِ الٰہی

 نعت لیرکس - اے ختمِ رسل خاصۂ خاصانِ الٰہی

 نعت لیرکس – اے ختمِ رسل خاصۂ خاصانِ الٰہی

اَللّٰھُمَّ صَلِّ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ

اے ختمِ رسل خاصۂ خاصانِ الٰہی
اے باعثِ میثاقِ رسولانِ الٰہی

محبوبِ خدا مہبطِ قرآنِ الٰہی
آئینۂ حق منبعِ فیضانِ الٰہی

ہیں آپؐ ہی سر رشتۂ ایمانِ الٰہی
بندوں کو ہوا آپؐ سے عرفانِ الٰہی

انساں کی زباں آپؐ کی توصیف سے قاصر
ذات آپؐ کی ہے مظہرِ صد شانِ الٰہی

اے معرکہ آرائے مصافِ حق و باطل
اے مردِ جری خنجرِ بُرّانِ الٰہی

اے کاشفِ اسرار و حِکَم بحرِ حقائق
اے معطیِ گنجینۂ قرآنِ الٰہی

بھیجا ہے بنا کر جو تمہیں رحمتِ عالم
انساں پہ بڑا سب سے یہ احسانِ الٰہی

ہے خُلق عظیم آپؐ کا سرکارِ دو عالم
ثابت ہے یہ از آیتِ فرقانِ الٰہی

مل جائے جنہیں سایۂ دامانِ شہِ دیں
ان کے ہی لیے سایۂ دامانِ الٰہی

یہ مرتبۂ خاص ہے ان کا ہی مقدر
اک شب وہ ہوئے عرش پہ مہمانِ الٰہی

اللہ کے قرآں کے تقدس کی قسم ہے
گفتارِ نبیؐ سب ہے یہ فرمانِ الٰہی

فرمائیں نظرؔ شافعِ محشر مری جانب
قائم ہو سرِ حشر جو میزانِ الٰہی

عارضِ شمس و قمر سے بھی ہیں انور ایڑیاں

عرشِ حق ہے مسندِ رفعت رسولُ اللہ کی

غم ہو گئے بے شمار

فاصلوں کو تکلف ہے ہم سے اگر ، ہم بھی بے بس نہیں ، بے سہارا نہیں

Comments
Exit mobile version