اوّل حمد ثناء اِلٰہی, جو مالک ہر ہر دا – میاں محمد بخش – سیف الملوک

islamkidunya
اوّل حمد ثناء اِلٰہی, جو مالک ہر ہر دا میاں محمد بخش - سیف الملوک

اوّل حمد ثناء اِلٰہی, جو مالک ہر ہر دا – میاں محمد بخش – سیف الملوک

Awwal hamd sana ilahi – saif ul mulook | Mian Muhammad Bakhsh (Lyrics)

اوّل حمد ثناء اِلٰہی, جو مالک ہر ہر دا
اُس دا نام چِتارن والا ، کِسے میدان نہ ہردا

کام تمام میسّر ہوندے، نام اوہدا چِت دھریاں
رِحموں سُکےّ ساوے کردا، قہروں ساڑے ہریاں

قُدرت تھیں، جس باغ بنائے، جگ سنسار تمامی
رنگ برنگی بُوٹے لائے ،کُجھ خاصے کُجھ عامی

ہکناں دے پھل مِٹھّے کیتے پت اُنہاندے کؤڑے
ہکِناں دے پھُل کاری آون نفعے پھلاندے تھوڑے

ایس عجائب باغے اندر ،آدم دا رُکھ لایا
معرفت دا میوہ دے کے، واہ پھلدار بنایا

رحمت دا جد پانی لگا ،تاں ہویا ایہہ ہریا
ہر ہر ڈالی نے پھل پایا ،سر دھرتی جد دھریا

واہ وا خالق سرجنہارا ،ملکاں جِن انساناں
اربع عناصر تھیں جس کیتا ،گُونا گوں حیواناں

کُن اوہدی نوں کوئی نہ پُہتا، عاقل بالغ دانا
درجس دے سر سجدے سٹے، لوح قلم اسماناں

حُکم اوہدے بِن ککھ نہ ہِلدا ،واہ قُدرت دا والی
جِیا جُون نِگاہ اوہدی وِچ، ہر پتر ہر ڈالی!

آپ مکانوں خالی ،اُس تھیں ،کوئی مکان نہ خالی
ہر ویلے ہر چیز مُحمّد ،رکھدا نِت سنبھالی

جُون ہزار اٹھاراں، اُس نے، دُنیا وِچ بنائی
صُورت سیرت تے خاصیت، وکھو وکھری پائی

Awwal hamd sanaa Ilaahi
Jo maalik har har daa
Uss da naam chataaran waala
Har maidaan na har daa

Mard Allah day sirr e Ilaahi
Ay kooii bhaid niraala
Ikko nazroon saaf banaway
Mera murshid damree waala

Har mushkil dee kunjii yaaro
Hath mardaan day aayii
Mard nigaah karan jis vialay
Mushkil raway na kaarii

Vah kareem Ummat da waali
Mehr shifaat kardaa
Jibrail jiehay jisday chaakar
Nabiyaan da Sarkar da

Nur Muhammad (radi Allahu ‘anha)  roshan aaha
Aadam jaddoon na hoya
Awwal aakhir doway paasay
Oho mal khalooiya!

Kee kuchh naat tussadee aakhaan
Khalqat day sardaara
Laakh salaat salaam teray tay
Laakh durood hazaaraa

Bahut izzat lawlaakii tehnoo
Kii main sift sunaawaa
Aal Ashaab samait salaama
Hor durood puchaavaa

Rehmat da miinh paa khudaaya
baad sukaa kar hariya
booTa aas umeed meri da
Karde mevay bhariya

Mittha maiva bakhsh jiya
Qudrat dee rakh shirin
jo khaavay ro usdaa jaaway
door hovay dil geeree

Aal Awlaad terii daa mangtaa
Main kangaal ziyaanii
Pao khair Muhammad taiin
Sadaqa Shah i Jilani!

Wah wah meeraaN Shah e Shahaan daa
Sayyid Do Jahanii
Ghaus ul Azam Pir piraaN daa
Hai Mahboob e Rabbani!

Lakh varii jay itr gulabon
Toiiyay nit zabaanaa
Naam unhaa day laaiq nahin
Ki kalimay da kaana

Main neevan mera murshid uccha
Te main ucchiyaa day sang laii
Sadaqa jaavaan unhaan ucchiyaa taaii
Jinhaa neviyaan naal nibhaaii

Comments

Leave a Reply

Next Post

دشمن مرے تے خوشی نہ کرئیے سجناں وی مر جانا

دشمن مرے تے خوشی نہ کرئیے سجناں وی مر جانا – میاں محمد بخش dushman marray te khushi nah kariye sajnan vi mar jana (Lyrics) – Mian Muhammad Bakhsh دشمن مرے تے خوشی نہ کرئیے سجناں وی مر جانا ڈیگر تے دن ھویا محمد اوڑک نوں ڈب جانا باغ بہاراں تے […]
دشمن مرے تے خوشی نہ کرئیے سجناں وی مر جانا  میاں محمد بخش
%d bloggers like this: